› 選擇地區
三藩市
紐約
洛杉磯
其他美國地區
香港 台灣 北美
 
2015年11月12日

中環在線:「爆咪姐」平租威院宿舍
租金隨時低沙田市價一半 - 李華華

「爆咪姐」潘麗瓊當年曾助梁振英競選特首。 資料圖片

當年在特首梁振英嘅參選大會中大叫「支持CY」,因而獲得「爆咪姐」稱號的前傳媒高層潘麗瓊,自從該次「傾情演出」後,甚少踏足政壇。近日潘麗瓊竟向財金界進發,話說本港潮流資訊網站Hypebeast噚日喺港交所(388)上載初步招股文件,打算在創業板上市,潘麗瓊為Hypebeast獻出佢嘅「第一次」,擔任公司獨立非執董,職責喺「就策略、表現、資源及操守準則提供獨立判斷」喎。
不過,引起華華注意的喺,潘麗瓊在招股文件中申報的地址竟然喺「沙田威爾斯親王醫院」。據華華所知,潘麗瓊老公都係傳媒人,點解一家人無情情會住醫院?華華明查暗訪,發現潘麗瓊所住嘅,其實係政府產業署嘅出租宿舍嚟嘅。
政府產業署不定期會推出政府物業喺市場招租,唔少係用唔晒嘅政府宿舍,大部份為80年代、甚至60年代建築物,雖然有時位置吊腳,或者毗鄰醫院,但最緊要一個字──平!仲間隔出名闊落,如果留心,有時都搵到筍貨。

租約完無優先權續租

以威爾斯親王醫院E座宿舍為例,目前一個可供出租單位,8樓C室,建築面積大約2,130呎,實用面積有成2,048方呎,實用率高達96%,「完勝」一般新落成的豪宅,月租僅3.08萬,實用呎租大約14.5元,等同沙田區「五折」價錢。不過,雖然平租,但聽聞兩年租約期完咗後,政府會將單位重新上載到政府產業署招租,租客未必有優先權租返單位,隨時有被「踢走」風險㗎。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載