蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月26日

環宇海灣滲水 困擾戶主

【本報訊】長實(1113)、港鐵(066)及南豐發展的荃灣環宇海灣入伙大半年,單位質素問題纏繞不清,業主林先生向本報投訴,主人房牆身每逢落雨滲水,兩次維修仍無補於事。

外牆瓷磚鬆脫 維修馬虎

資深驗樓師賴達明「明哥」上樓檢驗,發現主人房外牆瓷磚鬆脫,造成滲水,相信之前維修手工馬虎,致滲水問題久未解決。
林先生以逾500萬元購入荃灣環宇海灣一個低層單位,實用約500方呎,他氣憤地說:「主人房牆身不停漏水,同管理公司、承建商講過,三番四次整完一次又一次……辛辛苦苦儲到首期,上到車啦,𠵱家覺得好困擾!」他稱:「今年8月入伙,入伙未裝修,適逢雨季,主人房牆身漏水,成幅牆濕晒,起晒『泡』。要求管理處維修,出動埋吊船整,話冷氣喉造成。入咗伙,一落雨又係咁,再整。對上一個禮拜落雨,再係咁。問管理處會唔會有第四次、第五次,佢話唔排除,我好困擾……」
資深驗樓師賴達明日前上樓檢驗,主人房牆身已見皺紋,走到廚房工作平台,觀察主人房外牆,透過紅外線掃描器驗測,「從儀器見到,主人房外牆出現異常低溫帶,表示瓷磚內有明顯滲水迹象。其實目測,外牆瓷磚谷起,又有空心磚,還有喉碼拔除後留下的窿未補,外牆質素相當差,落雨時,啲水就喺呢啲位置入屋。」現場所見,外牆仍可見多處缺陷,相信是維修馬虎,好似一大片瓷磚「谷」起都沒有打走重鋪,並未有徹底處理問題。
屋苑由港鐵管理,港鐵回覆,對此事表關注,據悉曾兩度應業主要求進行執修。發展商的工程部會繼續跟進有關執修工作。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載