蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月26日

中環在線:施永青重掌中原
出任主席 - 李華華

施永青回朝!中原地產噚日公佈,集團創辦人施永青將會做番集團主席兼總裁,現任主席黎明楷將出任中國區主席。如此一來,似係為上市鋪路,以施老闆嘅江湖地位吸引投資者注意。
不過,施老闆噚日就同華華解釋,做番主席兼總裁,係因為中原內地業務要面對嘅競爭太激烈,同事實在太辛苦,希望自己可以幫吓手,參與吓,「話晒自己都係大股東」,佢多次強調變動同上市無關,仲話就算中原搞上市,都唔一定要自己做主席,笑言「你估做主席好馨香咩?」
施老闆又話,𠵱家內地市場流行一個講法,叫做「羊毛出在豬身上」,大概意思係,要利用本業做切入點,然後再靠本業搵番來嘅數據與社會關係,去做衍生出來嘅生意。施老闆話𠵱家佢自己要做嘅,就係搵隻豬出來,即係去發掘衍生出來嘅生意。
至於現任主席黎明楷,將會主力睇住內地市場,而早年已離開中原嘅前執行董事張奕威,都會回巢,將會擔任集團IT執行董事。新架構將於下月1日生效。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載