› 選擇地區
三藩市
紐約
洛杉磯
其他美國地區
香港 台灣 北美
 
2015年12月07日

魚樂無窮:
冷門股小注試手風 - 唐牛

時捷主要經銷電子元件及半導體產品;圖為集團主席嚴玉麟。 資料圖片

股市果然令人又愛又恨,不是嗎?上星期五美國就業數據靚爆燈,本月100%機會加息,但市場就演繹成經濟強勁,足以抵禦加息帶來嘅衝擊,去到呢啲位,贏輸已經唔係由眼光主導,而係運氣決定一切。玩港股?其實仲辛苦,近三日高低波幅,200點都唔夠,就好似垂危病人嘅心跳咁,間唔中先會彈一下,大價股好蝦人玩,就算牛熊證同期指亦唔會有肉食。細價股呢?散戶購買力已消耗得七七八八,百花齊放盛況不再,換來只是零星炒作,莊家唯有半力應戰甚至休養生息,惡性循環之下,點會有得玩?
市場口味越來越偏門,尋常股份已不能滿足炒家,取而代之嘅係超級冷門股。好似9月底推介嘅時尚環球(1520),甚少行家品評,近半個月無聲無色搶高五成;又好似龍傑智能卡(2086),曝光率奇低,結果不足兩周喪升近七成,有跟進嘅戰友,應該可提早收到聖誕禮物。
今日推介另一隻冷門股時捷(1184),公司主要經銷電子元件及半導體產品,10月時宣佈分拆揚宇科技上創業板,變相啤多一隻殼,起碼值3億,但時捷最新1.41元,與每股NAV一樣,明顯低水,一旦劇情有進展,隨時又上演大龍鳳,再講,現價已重回消息公佈前水平,亦較主席嚴玉麟最新增持價2.2元平一大截,值得小注試下手風。

唐牛
https://www.facebook.com/tongcow88

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載