› 選擇地區
三藩市
紐約
洛杉磯
其他美國地區
香港 台灣 北美
 
2015年12月21日

中環在線:搞噱頭回顧港交所工作
李小加寫信畀聖誕老人 - 李華華

李小加再次寫信比聖誕老人。

要講好文采嘅上市公司高層,港交所(388)行政總裁李小加應該數一數二,佢耐唔耐就寫blog講吓港交所做緊乜,臨近聖誕節,佢又寫信畀聖誕老人嘞。
李小加今次第二年寫信畀聖誕老人,其實都係搵個名堂回顧一年做過乜,明年又有乜搞作啫。今年最大件事當然係滬港通開通後,引來港股大時代,不過呢個大升市轉眼唔見咗。
李小加將呢個過程形容為:「先是春天來了一場大牛市,燥熱無比,緊接着夏天來了一場大暴雨,氣溫驟降。」佢話好在香港市場能夠處驚不變。咁又係呀,香港嘅散戶都未被呢場大暴雨浸死晒!
佢話,滬港通呢座大橋安全平穩運作1年,佢哋正為大橋下一步擴容做準備,同時亦已經為新嘅大橋開通做好了準備,應該係講緊深港通喇。佢下月就會公佈未來三年戰略發展規劃,仲叫聖誕老人得閒就去聽喎。其實邊個去聽唔重要,最緊要係李小加講得出,執行到啫。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載