蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年12月27日
馬上成為壹會員

地產潮文:三從四德 - 地產小子

無論投資還是婚姻,每個人也要為自己的決定負責。 資料圖片

「大新聞!大新聞!大新聞!」「咩事呀?」「因為好重要所以重複三次,近月Grace晚晚和Stephen通電話,昨日還相約晚飯兼暗角接吻!」「嘩!Grace剛剛與Joseph結婚,點解Grace可以咁不守婦道?真的好離譜!」
「超級親和力」Stephen是資深金牌地產代理,善解人意兼口才了得,經他成交的客戶有如恒河沙數。三個月前Grace和Joseph才透過Stephen購入第一層樓。這個物業位於屯門站上蓋,有商場有平台花園有會所,兩房兩廳有廚房有露台。無論前期搵樓、與業主講價、甚至法律、室內設計和搬屋等細節,Stephen也逐一為Grace和Joseph安排妥當,深得兩人信任。剛巧路過打算斟水的Charles卻堅拒相信這項傳言。
「Grace是我大學同學,她對男人很專一的,我相信她人格!」「Charles,世途險惡呀,香港地唔係所有女人都好似你個Mary姐咁上進,兼對你咁專一!」「我當晚做Joseph兄弟,我很清楚Grace有幾愛Joseph,Joseph還感激Stephen幫佢投資致富呢!」「我哋有圖有真相,如果我是你就勸Joseph攤牌,離婚兼將層樓除去Grace個名喇!而且,女人最緊要有三從四德,要對婚姻家庭忠誠不二,如果個個女人都好似Grace咁樣,中國咪天下大亂?」「𠵱家點會有人咁迂腐?」「就係中國人唔再重視傳統道德,先搞到中國人唯利是圖,道德淪亡。」
Charles與茶水間四人組誰是誰非,很難一概而論,但可以肯定的是,每個人也要為自己的決定負責。

地產小子
http://propertykids.blogspot.hk/

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載