› 選擇地區
三藩市
紐約
洛杉磯
其他美國地區
香港 台灣 北美
 
2015年12月27日

投資先機:從中國霧霾尋找投資機會 - 窮小子

中國霧霾問題越來越嚴重,將會促使中國政府加快推動電動車產業。 資料圖片

近年,北京及華北地區持續受霧霾影響,部份地區更出現最嚴重嘅6級污染標準,空氣質素可謂差到極點,嚴重影響市民健康,搞到當局要下令中小學停課,作為中國首都嘅北京已經唔適合人類居住。中國出口霧霾,輸出污染到台灣,引嚟國際笑話,貴為天朝大國當然唔會俾自己失禮於國際,一定會用盡一切方法解決霧霾問題。
中國霧霾問題嘅主要兇手係汽車尾氣污染物。加州理工學院有研究指出,汽車尾氣中嘅碳氫化合物同埋二氧化氮被排放到大氣中後,喺陽光紫外線照射下,發生光化學反應,所以產生含劇毒的光化學煙霧。加上,中國汽車用嘅柴油品質差同埋汽車老化問題嚴重,導致污染物排放量超標。
筆者認為中國霧霾問題越來越嚴重,將會促使中國政府加快推動電動車產業,但因為內地電動充電設施配套及電動車技術仍不足,令電動車唔能夠全國普及。筆者相信隨住內地電動車技術提升,充電基礎建設完善及汽車使用習慣改變三方面因素驅使下,內地電動車產業將會進入增長爆發期。以韓國為例,自2011年韓國政府力推電動車產業,全韓國已設有上千個充電站。過多三年,韓國充電站將大幅增加,可望成為全球電動車充電站最普及嘅國家之一,令韓國電動車產業得以加快發展。
作為內地電動車龍頭企業比亞迪(1211)必然會受惠於未來中國加快推動電動車產業發展,待比亞迪跌破40元可考慮買入!

窮小子投資專頁
https://www.facebook.com/poorguyfans.hk/

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載