› 選擇地區
三藩市
紐約
洛杉磯
其他美國地區
香港 台灣 北美
 
2016年01月03日

地產潮文:好心做壞事 - 地產小子

當政策倡議者不了解人性和現實,政策就注定失敗。 資料圖片

「我今日去深水埗與朋友喝咖啡,看到一位衣衫襤褸的婆婆在執紙皮和汽水罐,真係好慘,如果有全民退休保障,婆婆就唔使咁辛苦喇!」「老人家越來越多,開支隨時大增,將來想減少或取消都好難;後生工作人口又不斷減少,到佢哋老咗個退休基金唔係破產就係用完,到時香港要大幅加稅!Anna,計清楚先判斷都未遲!」
博士畢業的Anna是家中幼女,也是唯一尚未投身社會的家庭成員。家姊Elsa已工作數年,比較明白事理。
「Anna,有冇聽過好心做壞事?兩年前六表嫂與六表哥離婚,三姨媽唔忍心見到六表嫂孤苦無依兼無業,於是讓六表嫂與三姨媽一家同住,仲每個月畀7,000蚊六表嫂使,點知六表嫂到𠵱家都做緊大食懶兼無意欲搵工,還經常霸住浴室,三姨媽終於忍唔住趕走六表嫂,二人從此反目。所以幫人之前要了解別人的真正需要,鹵莽行事只會帶來災難。」
媽媽語重心長地勸Anna凡事要深思熟慮,而爸爸嘗試激勵Anna努力增值。「我欣賞你咁有同情心,既然你咁想幫人,首先要令自己在財政上自給自足,才有剩餘能力去幫。而且幫人都有好多方法,例如捐助慈善機構、購買公平貿易產品、平等分享飯票等,集中資源令有需要的人受惠。假如你搵到新工又做滿兩年,爸爸就送間舖兼打本畀你,等你經營社會企業咖啡店,好嗎?」做事要先了解人性,不能只存好心;當政策倡議者不了解人性和現實,政策就注定失敗。


地產小子
http://propertykids.blogspot.hk/

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載