› 選擇地區
三藩市
紐約
洛杉磯
其他美國地區
香港 台灣 北美
 
2016年01月11日

智取大市:熊市街上遇飛雲 - 晉佳

小型文具店、家居用品店式微,日本城面對的競爭環境沒想像中激烈。 資料圖片

今日再講番熊市尋寶嘅故事吧,話說喺2008年,因為冬天落街買衫而發現I.T(999)可愛之處,喺七年後嘅某一日,終於畀晉佳發現呢種久違而刻骨銘心嘅感覺。
話說小弟想買一把𠝹刀,第一時間當然係去文具店搵,但周圍行都發現唔到有文具店喎,入到超市又冇𠝹刀,結果行咗一輪先發現一間日本城,冇錯,主角就係日本城。
去到日本城,問完靚姐,仲搵你唔到!日本城嘅𠝹刀有兩種選擇,有大有細,小弟心諗買把細先啱用,點知一個package竟然包住兩把刀,好吧!盛惠15.9唔係乜嘢錢,照畀錢冇hard feeling。
呢個真實故事告訴大家三樣嘢,第一,隨住小型文具店、家居用品店式微,呢種舖頭已趨向集團化,日本城面對嘅競爭環境,不及一般人想像中激烈;第二,日本城喺冇同超市直接競爭嘅日用品方面,已有出現少許壟斷嘅迹象,因此,閣下可能會有落街唔容易買到文具、家品嘅經驗,最後要幫襯日本城;第三,佢嘅產品價格低,同時大家對佢嘅產品價格敏感度亦相當低,形成佢有一定嘅議價能力,一個package兩把𠝹刀,諗都唔諗就買,就係一個好例子。
晉佳突然對於經營日本城嘅國際家居零售(1373)產生好感,喺佢身上見到當年I.T的影子,下回再續。

晉佳
https://www.facebook.com/advanceguy1/

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載