› 選擇地區
三藩市
紐約
洛杉磯
其他美國地區
香港 台灣 北美
 
2016年01月11日

中環在線:Jimmy Choo分享造鞋心得
新娘奄尖過名媛 - 李華華

周仰杰上月出席活動,即席以3、4分鐘畫出一個鞋款(小圖)。 李潤芳攝

高級鞋履設計師周仰杰(Jimmy Choo)嘅高跟鞋,對女士有份說不出嘅魔力。佢2001年悉售品牌一半股權,近年多花時間做慈善工作,上月就為一個慈善設計活動來港數日,分享造鞋心得,對佢嚟講,最難服侍嘅客人原來係準新娘。
才女王迪詩曾說:「女人的路,是由高跟鞋走出來的。」可見一對靚靚高跟鞋對女性何等重要。周仰杰甚至形容:「無論係高矮肥瘦,高跟鞋同女士一齊分享經歷。」都幾誇張。

相關新聞:中環在線:女士揀鞋首要舒服

隨身帶備素描簿

67歲嘅馬來西亞人周仰杰,11歲開始跟爸爸學造鞋,認為手造高跟鞋最靚,相信機器無法取代手藝。佢話:「𠵱家整鞋係由機啤出嚟,鞋胚同鞋底嵌入去就得。但以前手工造鞋,由一塊皮革開始,由畫草圖設計鞋款,全部要自己做。」
手造高跟鞋需時最少兩至三星期完成,每對幾千蚊至過萬元,周仰杰認為價錢合理,因為「一對鞋嘅價錢包括時間,仲有造鞋師傅嘅手工,當然亦要計埋舖租與人工」。 
幾十年來,周仰杰招呼唔少名媛明星,講到最難滿足要求嘅客人,佢首選準新娘。佢話:「為新娘訂製鞋最具挑戰,佢哋多數早6個月籌備婚禮,我哋先要睇咗婚紗款式,然後按新娘要求不停修改,可能體型有變又要再改、再造,直至結婚當日為止。」
周仰杰喺2001年前賣走品牌股份,近年較多時間做慈善工作,但佢對造鞋熱情從未減退,身上必定帶住設計師嘅孖寶,就係素描簿與十幾支marker,一有靈感就立即畫低。
佢透露,未來有機會去內地發展高級鞋履市場,至於會否來港開業,就要視乎緣份。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載