› 選擇地區
三藩市
紐約
洛杉磯
其他美國地區
香港 台灣 北美
 
2016年01月15日

中環迷你裙:港股其實更似孤兒 - Samantha

走資潮昨明顯惡化,港滙低見7.78。 資料圖片

Samantha初入行時,港股甚受外圍影響,ADR成為大市前瞻,近年越來越多中資來港上市,港股和A股關連性更甚於美股,港股最近兩邊不是人。第一,外資眼裏的中港股市均為新興市場,美元走強人民幣急貶必會連在本港的資金也連根拔起,走資潮昨明顯惡化,港滙低見7.78,創歐債以來新低。第二,自去年A股股災後,阿爺只救親生仔,A股拗腰升2%,H指倒跌場面屢見不鮮。說穿了,港股美其名夠獨立,其實更似孤兒,賺錢冇份,撳錢一定榜上有名,如果擺明要撳你錢,你會點做?實係收埋佢扮冇錢先喇!
身邊有不少戰友認為Sam太淡,他們認為港股通連續7個交易日錄逾10億元人民幣淨流入,大媽變相執外資二攤云云,港股有望翻生,但更值得留意是外資走筆錢大啲?還是大媽筆錢大啲?向來是外資基金主導的港股着實未敢樂觀。
另外一個最強盾牌PE夠低,出面同啲外資芬佬傾,大家異口同聲「抵吖」但他們講多過做,8倍幾是指歷史市盈率,投資界有句名言,就是只望倒後鏡隨時會車毀人亡。如樓盤割價廣告咁,有跳樓市盈率、海嘯市盈率,切忌貪平。咁大市幾時先喘穩?當一些績優唔係賺人仔的股份都企得穩,後市先至有得諗。

Samantha
https://www.facebook.com/stocksamantha
本欄逢周五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載