› 選擇地區
三藩市
紐約
洛杉磯
其他美國地區
香港 台灣 北美
 
2016年02月03日

投資先機:都是索羅斯的錯? - 窮小子

中國金融政策上的錯失,難道是索羅斯的錯?

朋友阿星問我:有冇睇《人民日報》標題〈索羅斯向中國貨幣宣戰〉嘅新聞,國際大鱷索羅斯重出江湖啦,沽空人民幣,令到最近A股大跌!
窮小子:阿星,你確定真係索羅斯做?你有冇見過賊仔打劫會話畀你聽㗎?
索羅斯作為1997年亞洲金融風暴嘅始作俑者,阿星嘅擔心好正常,但係諗深一層1997年索羅斯出手係不動聲息,今次竟然事先張揚真係好「難得」。中國金融政策上的錯失,難道是索羅斯的錯?熔斷機制本來想防止市場過度恐慌,卻令市場更加恐慌;克強總理暴力救市,卻令股民對A股漸漸失去信心;央行干預人民幣貶值,卻令人民幣跌勢持續。
貨幣嘅強弱係反映一個國家嘅經濟實力,中國正面臨產能過剩,製造及出口業不濟,債務龐大及政府政策失誤等問題,農行39億元票據虧空事件更反映出中國企業管治十分「兒戲」,如何令市場有信心?人民幣近年貶值正係客觀咁反映中國經濟放緩嘅預期,都是索羅斯的錯嗎?中國唔會好似阿星咁擔心索羅斯沽空人民幣,因為中國正好可以大造文章將人民幣眨值、A股股災、熔斷機制失敗等罪名推在索羅斯身上,為自己經濟金融政策失誤留一個落台階。
歐洲及日本近年擴大量寬,美國經濟未穩定,仍要開始進入加息周期,國際間貨幣戰爭正在展開,中國低勞動成本嘅競爭力被國際對手削弱,阿星你確定真正「元兇」係索羅斯嗎?

窮小子
https://www.facebook.com/poorguyfans.hk
本欄逢周三刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載