› 選擇地區
三藩市
紐約
洛杉磯
其他美國地區
香港 台灣 北美
 
2016年02月03日

智取大市:中國最大絆腳石 - 晉佳

中央要平衡利益團體同埋人民嘅利益,從而令政權安穩,難度或許比起確保金融體制唔爆煲更大。 資料圖片

前兩日講過,中國債主可以唔追債、大股東可以唔沽貨,呢個要解釋吓。𠵱家中國經濟差,但仍有龐大嘅貿易額去支持,經濟點衰都會有正常出口,為國家帶嚟一定嘅現金流。如何將呢啲正現金流,喺貪腐過程,變入利益團體嘅口袋裏面?恕不詳述。而在於一批中間可以食夾棍嘅利益團體角度去睇,佢哋只要有官威、有地位,就可以無本生利,正現金流源源不絕,同時毋須付出任何資本,好過去打劫。

呢個正正解釋咗利益團體點解咁聽話,就係因為中央可以提供未來龐大正現金流畀佢哋。班高官將部份資金流出海外,其實只係分散投資,為咗防範人仔爆煲或可能被拉而鋪定後路,但要佢哋夾帶私逃就真係難,因為佢哋放棄咗未來正現金流,損失慘重,你唔食,班手下都要食。再講,佢哋離開咗中國,甚麼都不是,窮得只剩下錢,地位沒了。所以佢哋會繼續聽中央話,未來有錢落袋就盡可能唔反。
解釋完之後,大家或許明白,中央一向要平衡利益團體同埋人民嘅利益,過往要,未來都要,問題係未來個餅細咗,能唔能夠同時滿足兩方,從而令政權安穩,難度或許比起確保金融體制唔爆煲更大,呢個將成為中國經濟最大絆腳石,下場如何?下期再分析。
口水多過浪花,麻煩大家like晉佳個facebook page,就可以睇港股最新策略了。

晉佳
https://www.facebook.com/advanceguy1/

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載