› 選擇地區
三藩市
紐約
洛杉磯
其他美國地區
香港 台灣 北美
 
2016年02月04日

廣告經綸:年又過年 廣告賣不完 - 文廸晞

《囉嗦媽媽×尹光》呢個賀年廣告,話題性到喉唔到肺。 互聯網

賀年廣告接踵而來,當中變化,都不外乎三四招式:
載歌載舞:上周看到尹光拍攝的保健食品賀年廣告《囉嗦媽媽×尹光》。家陣做廣告,要爆(即要有viral effect、有話題性),仲要平、要快兼有效益。這個廣告,雖有一定娛樂性,讓我由頭到尾睇完一次,但只感到爆又唔係好爆,話題性又到喉唔到肺。善存要阿媽去買保健品畀仔女,宣傳「亞健康」,有一個清晰嘅出發點,但起用尹光同唱首咁嘅賀年歌能否收效,真係有啲保留。我再三思量,如果主要受眾係阿媽到底會有幾吸引?𠵱家啲阿媽都識韓系小鮮肉啦!假若受眾及influencer同時係啲仔女,歌詞係可能有啲笑位,但共鳴感就差啲。
新年橋唔怕過時,扭開電視都係狂唱《迎春花》同《財神到》,年年如是。手法大同小異嘅賀年廣告,仲有大人細路都喜愛嘅能得利。自去年用咗李光洙同魯芬,今年再接再厲,照dup條formula,唱法演法都幾乎一模一樣。新意欠奉,但都仲係有啲百看不厭。聽聞啱啱換咗廣告公司,下次唔該諗過第二條橋啦。
吉慶連場:講起賀年廣告,非九十後定必記得九十年代初嘅經典萬寶路「長城鼓舞」賀年廣告,不但走遍長城、故宮、天壇,製作何其精煉、動用演員之多、投資有幾龐大,真的今非昔比。屬於同類的小本製作就少不了TVB八萬八賀年廣告,我時常問自己,這些如分類廣告的廣告真係有效?似乎畀啲老闆自娛多過宣傳。
回家團圓:一直以來,汽水品牌可口可樂、百事可樂,生活產品P&G描繪年輕遊子趁過年趕着回鄉與父母家人團聚,路途之遙,非三天兩日可以到達。時而至今,二三十年後,回鄉回家過年仲係一個好好的題材,趕火車、壞巴士、有牛有羊、攀山涉水、last minute終於趕及,團圓,齊吃齊飲,歡欣滿載。
送禮祝福:由麥提莎到瑞士糖、樂家、積及、金莎、藍罐以至白蘭氏,都圍繞住夠睇面、表關懷、傳心意、送祝福。每年提提你,生怕送禮同收禮嗰個太善忘。

文廸晞
mailto:heyadmen@gmail.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載