› 選擇地區
三藩市
紐約
洛杉磯
其他美國地區
香港 台灣 北美
 
2016年02月11日

陳子政嘆金融業黃金歲月已過 
「𠵱家做銀行CEO唔係咁好玩」

【專訪】

踏入2016年股滙齊冧,金融業裁員凍薪消息接踵而至,去年度本港零售銀行整體盈利,亦錄得7年來首次倒退。資深銀行家陳子政08年退下全職賓架火線,積極投身公職慈善及顧問工作,他接受訪問時說,銀行業運作模式已改變,加上當前環球經濟增長放緩,金融業「黃金歲月過去咗,唔似十幾廿年前,人人都諗住呢行係大茶飯……銀行越嚟越難做,做銀行CEO(行政總裁)更加難做」。
記者:劉美儀

相關新聞:掌理大校董會  「要光明正大」

曾任花旗香港「一哥」的陳子政,從事銀行業近30年,現為東亞銀行(023)高級顧問,身兼港交所(388)獨董,上月剛履新理大校董會主席。

確保合規 否則後果嚴重

他認為,本港銀行業從70年代起飛到90年代光輝歲月,今日「落返落地」,面對理財產品結構,越趨複雜及分類細化,加上科技革新與同業競爭,大銀行的滙報架構已變得縱橫交錯,作為舵手的行政總裁,尤其是一個地區或市場的CEO,「話事權比以前低咗,責就大咗」。
今日做銀行CEO,「比10年8年前好唔同辛苦好多」,現時行政總裁最重要職能,是確保管治合規,他指稍一不留神「睇漏咗啲」,引伸出來的風險及後果可能好嚴重:「一有事監管當局就搵你,又罰你錢,報紙又賣哂……𠵱家做CEO唔係咁好玩㗎!」
不過「行行出狀元」,銀行業仍是百業之母,金融業平均薪酬待遇「始終比一般好」,對有能力有志趣的年輕人,他仍會鼓勵入行。
笑說「幾時都覺得自己係退休人士」的陳子政,對卸下全職賓架生涯、投身公職展開第2階段旅程,當下生活更感滿足:「工作唔再單為生活,搵到自己真係喜歡做嘅嘢,肯定到自我價值,又維繫人際網絡。」這種忙碌,他認為是一份恩典,能將自己職場累積的金融經驗回饋社會,在非商業的慈善及教育公職崗位上,又學到新事物擴闊視野,正能量爆棚,難怪他說:「現在可以講係最開心享受嘅日子!」

繼續烹飪 「更多花款㖭」

公職之餘,他亦不忘留點休閒時光,經營自己一籮籮興趣,如打波及烹飪。曾經為記者在家泡製6道私房菜的陳子政謂:「梗係仲有整嘢食,現在更多花款㖭!」
做過銀行舵手,患病急流勇退,康復後又重投公職慈善。他勉勵年輕一代,跌低要識得爬起身,人生好似經歷金融風暴一樣,要知所進退,越過內在心魔就海闊天空。他說:「唔好睇得自己太重,輕描淡寫啲。」就像他的烹調哲學,「有時(食物或人生)唔駛太多味道,清淡啲更好!」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載