› 選擇地區
三藩市
紐約
洛杉磯
其他美國地區
香港 台灣 北美
 
2016年02月11日

掌理大校董會  「要光明正大」

陳子政指,理大一向有自己定位,「唔需要」每樣做到世界第一。 資料圖片

【重視溝通】
資深銀行家陳子政今年初接任理大校董會主席,雖然理大並非院校矛盾的風眼,但在目前非黑即白的社會環境下,掌舵校董會猶如走鋼線步步為營,因此不少朋友讚他有承擔之餘,亦不忘補句「乜你咁勇」,接下這根火棒。
曾經歷不少金融風暴、「見過風浪」的陳子政笑說,一切以「平常心」看待,「我宗旨係無hidden agenda,做嘢光明正大,乜都有得傾」。

相關新聞:陳子政嘆金融業黃金歲月已過 「𠵱家做銀行CEO唔係咁好玩」

勿大石砸死蟹

作為校董會主席,他需要關注大學不同持份者的考慮並有效溝通,「但咁唔代表你嘅訴求我一定畀到你」,他認為民主社會的精神,正在於互相尊重求同存異,最後透過妥協達取平衡,懂得妥協是成熟的政治藝術:「係一個強者先會用,sign of strength,有理都要讓三分……唔係話我強勢就大石砸死蟹,今日面對年輕人都唔work啦!」
近年政治爭拗社會撕裂,大學亦成為鬥爭的舞台,港大衝擊事件、中大校園睇波「噓國歌」、嶺大學生不滿親建制校董獲委任圍堵會場、科大畢業禮學生上台舉黃傘……倘任內面對這些場面,他如何應對?
陳子政重申,不評論其他院校事務,他只是笑說,「希望你講嘅唔會係理大發生」。他同意「近年大學環境政治化程度比以前大咗」,但深信以理大一貫實幹作風,及多年來校政管理注重溝通發展的根基,有問題亦可疏理解決,尋求共識。
明年是理大80周年,2015年QS世界大學排行榜中,理大只排第116位。他認為,大學排名是眾多參考指標之一,「唔可以為排名而犧牲晒理大其他有既特質」。

唔需要每樣第一

理大一向有自己的定位,「唔係話要做全港最精英大學」,但在很多專業領域如設計建築、酒店管理等,該校獨領風騷,多年來培訓了不少精英。他說,「一個社會係需要唔同類型嘅大學」,理大「唔需要」每樣範疇做到世界第一,但卻要把握自身優勢,提煉發揮以邁向更高階梯。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載