› 選擇地區
三藩市
紐約
洛杉磯
其他美國地區
香港 台灣 北美
 
2016年03月05日

【一代燈師】
我唔係方丈-沈大師「蘋果恩仇錄」

亞視熄唔熄燈無人知,不過「一代燈師沈大師」,今日就再度燈場蘋果財經。你或者會好奇,「喂!佢同蘋果明明反咗面!」係呀,面係反過,筆戰亦玩過。不過當亞視雖生猶死咁多年,但仍奇蹟地死唔斷氣,點解,蘋果同大師,唔可以重頭再來過?

上年8月,大師因為fb專頁「蘋果ATM」,瘋狂煲大佢嘅專欄文章而嬲豬,憤而以一篇交上一篇《物必先腐而後蟲生》後,寫咗15年嘅《實戰理論》專欄,就咁gameover。半年後,舊事重提,大師會話,「方丈會小器,我又唔係方丈,我點會小氣。」

回想封筆前幾日,大師同財經版主理人股榮,都曾藉著文字說開戰。當日股榮話「蘋果有俾稿費」,大師重提舊事,仍然會話,「講真有幾多錢大家心照啦」;當日股榮又話「大師走紅因存在感」,大師又覺得「講到好似將我啲成就,吸引讀者嘅其他元素抺哂佢」。

不過,大師稱得上大師,當然內功深厚,就算怒火燒得再旺都好,都能夠收放自如,「事情過咗去之後,你睇返轉頭,都係不外如是。」

記者:倪敏慧 攝影:陳家文

相關新聞:【一代燈師】沈大師:誓要去 入高登

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載