› 選擇地區
三藩市
紐約
洛杉磯
其他美國地區
香港 台灣 北美
 
2016年03月21日

九龍表行一年關五店
規模大縮四成 慳成本迎零售寒冬

【本報訊】經濟前景看淡,零售業不景,加上租金仍未見底,以往專攻內地自由行客的鐘錶店面臨困境。本港老牌鐘錶店九龍表行,旗下將軍澳PopCorn分店因租約期滿,經營至昨日正式結業,並撤出將軍澳。集團一年內連關5間分店,規模大縮逾四成。
記者:陳家雄 程俊華

相關新聞:1952年創辦 高峯曾擁13店

香港首富、長和系主席李嘉誠日前已向本地經濟示警,直言由近二十年都從未試過如今年般「冇乜邊個行業係好」。其中零售業率先步入寒冬,最倚重內地客的鐘錶店更加難捱,擁有64年悠久歷史、行中價路線的九龍表行實行持續縮舖,以節省成本。

將軍澳店開業三年結束

九龍表行位於將軍澳PopCorn商場1樓F77至78號舖的分店,昨日最後一天營業。據悉,此舖於2013年5月開業,其時商場進行租戶重組,引入不少珠寶鐘錶店。九龍表行與毗鄰謝瑞麟、六福珠寶等同期開幕,但在接近三年租期後,九龍表行率先不再續約結業,並進行減價促銷。
雖然舖位打正旗號「搬遷大清貨」,不過本報記者向員工查詢,店員指該店不是搬遷,而是撤出將軍澳區,不會在區內重置分店。據悉結業後,職員將被安排到其他分店工作。
九龍表行近一年連環關店,結業潮自去年3月份銅鑼灣波斯富街地舖結束營業後開始。其後旺角信和中心地舖,以至沙田廣場租用20年的老店分行都因租約期滿結業。集團在三年前表明,因地舖租金高昂,揚言集中在商場開舖,曾在2013年中連環在尖沙嘴iSQUARE及PopCorn開店,但這兩店接連在近三個月內先後結業,故一年內結束至少5間分店。
九龍表行高峯期有13間分店,去年則有12間,隨着近年陸續減舖後,分店只餘下7間,規模縮減約42%。以往在核心零售區銅鑼灣及旺角曾共有6間分店,現時只有3間。
本報曾向九龍表行董事總經理黃錦成查詢,惟至截稿前未獲回覆。不過集團曾在上月發出聲明,指零售市道正面臨重大挑戰,故因應市場需要作出適當調整,刪減高風險店舖。

相關新聞:太子珠寶:今年不會有起色

減價散貨 人流絡繹不絕

將軍澳街坊指,九龍表行PopCorn分店早於約一個月前已有結業先兆,當時很多名牌手錶都減價,不少靚貨、貴價貨已被掃得一乾二淨,好似原價逾1萬元的Salvatore Ferragamo手錶減到約5,000元。記者昨日現場直擊,店外貼上「最後一天」大字,手錶品牌包括帝陀(Tudor)、Gucci、Armani等,提供5折至75折折扣,定價由數千至數萬元,如帝陀某鋼帶錶定價4.78萬元,75折後約3.585萬元。
由下午2時至4時駐足觀察,人流絡繹不絕,平均10至15分鐘就有一單生意。有街坊執到平貨,笑住離場表示:「撞啱鍾意個款,咪買囉!」記者原先都被一隻半價Casio紅色G-Shock吸引,但不消半小時已被人買走。

【市民睇法】

張小姐:「呢度九龍表行有啲名牌半價,好似Ferragamo,有隻1萬蚊減到五千幾,有啲心動,但冇買。今年經濟差,農曆年前已感受到,周圍都好靜,搵錢少咗,自然唔想使錢。」

許小姐:「有需要就會買啦,標價好似幾抵,不過唔係好吸引,本身睇款唔係睇牌子,款啱先會考慮。𠵱家經濟唔係咁好,所以市道都好似好靜,個個都要慳住先囉!」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載