› 選擇地區
三藩市
紐約
洛杉磯
其他美國地區
香港 台灣 北美
 
2016年03月21日

樂香園:人類總要重複同樣的錯 - 密西比

《香港01》紙體創刊號,較傳聞推出日期遲了大半年。 資料圖片

由上世紀被《明報》人私下稱為「于少俠」(相對查良鏞查大俠的稱呼)的南海控股(680)主席于品海,其作為老闆的新媒體《香港01》,早前終推出了一直只聞樓梯響(較傳聞推出日期遲了大半年)的紙體印刷版。厚厚一叠接近200頁,有朋友指字體太細,看了十多頁已看不下去。
跟報界前輩談論《香港01》紙體印刷版創刊號回收「蝦碌」事件,前輩笑稱,創刊日出現「蝦碌」實在見怪不怪,如同是由于品海主催並已結業的《現代日報》,於創刊時亦有「嚴重出錯」,更險導致未能如期面世。
前輩說:「為趕出街,明報(同一集團)已經讓晒啲機畀佢(《現代日報》),但係由凌晨12點等到3點,啲稿居然仲未齊!到啲稿齊晒,又唔夠相,搞搞吓,又發現啲題唔對,總之編輯部執嚟執去,搞到早上6點幾天都光齊,當其他報紙都已經賣緊嗰陣,份創刊號都仲係印唔到!」
如何收科?前輩說:「結果要人打救,先至叫做順利出到份創刊號,唔使臨陣脫腳,但就要搞到早上9點幾,先開始送到報攤賣……之後份嘢嘅出版工序一直都唔係咁順,要等到幾個月後,有人死死哋氣咁搵《明報》人幫手(曾出內部公告指不用《明報》人插手),工序先叫做暢順咗,但結果份嘢最後都係執咗,可惜。」
怎樣看《香港01》﹖前輩說:「如貴報社長所言,很佩服于先生魄力,祝大家行家好運。」一齊加油!

密西比

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載