蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月22日
馬上成為壹會員

「舖王」子料今年舖租再跌15%

【看淡前景】
叱咤舖壇近40年的「舖王波叔」鄧成波,是物業投資界老行尊,工商舖物業遍佈全港,市值逾150億元。近年又涉足酒樓生意及收購上市公司,身家隨時過千億。其孻仔鄧耀昇跟隨父親學習投資多年,認為舖市尚有15%跌幅。
鄧耀昇指出,核心區不少舖位「十室九空」,業主已開始接受舖位租予散貨場,「叫做有人幫手交下管理費、差餉,開住燈做生意,有長租客嚟睇舖都唔會吉咗喺度」。但始終人民幣貶值加上打貪,令相關行業如鐘錶珠寶、化妝品都「冇乜運行」。

相關新聞:美聯工商舖料短租湧現

裁員凍薪打擊消費

一線舖位今年都要接受現實,今年最後三季料舖租會再有15%跌幅,裁員、凍薪潮準備開始,股市未反彈,「到五窮六絕嗰時,大家都唔會消費」,舖市難有利好消息刺激。
「因為嚟緊加息在即,如果呢一刻平咗幾十萬租出去,一到加息,個舖隨時唔係每個月少收嗰幾十萬租咁簡單,而係個舖賬面貶值咗過億」。現時知道有個別丟空一段時間的舖位業主,都嘗試自己用個舖做生意,例如開餐廳,未必個個都肯平租出去。
2011年再次自立門戶的鄧耀昇,創立婚禮統籌公司拉斐特。兩年前,波叔收購東海,由鄧耀昇擔任主席,負責整個飲食集團。去年他聯同波叔收購上市公司易通訊(8031),鄧耀昇更擔任上市公司CEO。對於舖位投資,近年投資策略已轉為全幢物業或大樓面舖位,「喺尖沙嘴買一個舖要幾億,但其他地方已經買到一幢物業」。由於前幾年太多人買舖,價錢已經不合理,所以才不買舖。但近一年睇過不少地舖,最近再更加留意,睇機會入市。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載