› 選擇地區
三藩市
紐約
洛杉磯
其他美國地區
香港 台灣 北美
 
2016年03月31日

廣告經綸:就同嚴冬鬥長命 - 文廸晞

國際名廚Gordon Ramsay曾與新加坡三家本地「小販檔」大廚比拼。 資料圖片

嚴冬寒風何日去?暖春煦陽幾時來?
點解突然咁傷春悲秋?距離立夏只有差不多一個月,真係好想問吓,到底今年凍夠未?經濟嚴冬又何時終結?
喺𠵱家咁嘅時勢,要突圍,做啲一般品牌諗唔到、非常規性嘅嘢,才有運行。好似遠在1975年百事可樂推出的Pepsi Challenge,造就了一個劃時代嘅廣告戰。
簡簡單單邀請受試者在沒有品牌標誌嘅兩杯可樂(一杯係百事可樂,另一杯當然係可口可樂啦),單憑口感味測去分辨及選出你較喜歡的一杯可樂。最後,調查結果顯示,揀百事可樂較好飲的比可口可樂優勝一大截。
百事可樂盡收廣告效益嘅同時,對於可口可樂的廣告公司,更說明品牌效應的舉足輕重。沒有品牌,其價值立即備受打擊。這個局面,對於廣告公司,有價有市,冇得輸。
兩年多前,在新加坡上演咗一場SingTel's Hawker Heroes Challenge(新電信的米芝蓮三星名廚鬥「小販檔」大廚挑戰賽),比起幾廿年前可樂的那個,這個變奏式challenge來得更有時代感及社會相關性。
國際名廚Gordon Ramsay與三家本地「小販檔」大廚比拼三道新加坡熱門菜式:海南雞飯、胡椒蟹、叻沙。千人排長龍試食,SMS投票,社交網絡狂like兼瘋傳。結果Gordon Ramsay只贏在胡椒蟹而「小販檔」大廚則贏了另外兩味菜。
然而,最終贏家,梗係SingTel,贏番近年一直插水嘅顧客好感,不但帶來了國際名廚製造一時佳話,真正成功的藉着O2O平台大大聲宣傳其企業精神:通過一些難得的經驗為新加坡人帶來樂趣,也重拾其與新加坡人之間日漸褪色的感情。
今日,與其不停做減價促銷去跑數、達標(這個當然也重要,不然你下個月可能會冇咗份工……),搵一些出奇制勝嘅方法衝破困局、扭轉乾坤可能更為重要。挑戰常規,就有如Ice Bucket Challenge(冰桶挑戰)、老麥同Burger King嘅McWopper挑戰。
要打一場漂亮的持久戰,唔好再坐定定跟從大市走。唔係嚴冬未過,你已凍死了!

文廸晞
mailto:heyadmen@gmail.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載