› 選擇地區
三藩市
紐約
洛杉磯
其他美國地區
香港 台灣 北美
 
2016年04月13日

財女手筆:還地盤系一個公道 - Melody

不少人對工程認識不多,落site做地盤的一律被統稱為「地盤佬」。 資料圖片

上一輩人生活艱苦,日做夜做,養大仔女,誓要佢哋成為「第二個李嘉誠」,未來職業?當然要成為醫生、律師、金融界尖子最好,話晒都叫「師」之輩,專業人士搵錢夠多,一定可以飛黃騰達,點知,今日一睇新聞,原來,最好唔及地盤好!
不少人對工程認識不多,做通風、商場冷氣規劃、室內設計、或者做港珠澳大橋?咪又係落site做地盤,一律被統稱為「地盤佬」。
地盤工程行業高薪缺人,香港大型工程一單又一單,即使你我再唔情願,政府仍然一車車、幾百億咁支持基建工程,大學生入職起薪都有兩萬蚊,勁過好多BBA畢業的人工,但仍然會聽到父母、親人,甚至女朋友慨嘆:「唉,始終都係做地盤,都叫佢搵份寫字樓工啦!」,硬係要將各個項目工程師講成「地盤佬」。
近年不斷有建築、土木工程股上市,當年,可能大家唔睇一眼的「地盤佬」,今日搖身一變成為上市公司主席、CEO,大家對身邊嘅工程師,有無另眼相看?唔理佢哋家陣上市目的係咪「啤殼股」,至少,大家又將佢哋捧得高高哋,訴說一個個勵志的故事,係咪要還你身邊「地盤系」的朋友一個公道?

Melody
本欄逢周三刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載