› 選擇地區
三藩市
紐約
洛杉磯
其他美國地區
香港 台灣 北美
 
2016年05月09日

經濟客艙 :特朗普轉身狂射波 - Captain Cool

特朗普話當選美國總統後,即炒儲局主席耶倫。 資料圖片

「股神」畢菲特喺訪問話美國低息環境維持50年不變,道指可衝上10萬點。股神並非隨口噏,大家都關心美股7年狂牛仲有幾耐玩。
市場偏向睇淡美國再加息,撞啱美國總統大選年,又有一位共和黨參選人叫特朗普,估美國拖到年尾先加息機會高。美國點解要拖到12月?就係因為特朗普。先不計入經濟數據等客觀分析,針對特朗普上個星期嘅言論,佢話當選美國總統後,即炒儲局主席耶倫,理由得一個,佢唔係共和黨人。我相信耶倫被革走,跟美國6月加息機會一樣渺茫。若果特朗普真的勝出美國總統大選,佢唔係一句「You're fired」,耶倫就要執包袱。即使耶倫兩年後「被炒」,佢可以退居至儲局理事會繼續審議貨幣政策,玩到2024年都得。最怕特朗普總統任期只有一屆,4年後就拜拜。
回顧美國歷屆儲局主席,由格林斯潘到伯南克,佢哋兩位都係共和黨支持者,兩人最後都獲民主黨嘅克林頓及奧巴馬提名儲局主席。特朗普又話自己都撐低息政策同反對強美元,解決美國債台高築問題,講咁多都係選戰行先,並非維護經濟利益。特朗普諗定為美國再加息引起經濟衰退的籌謀,轉身射個三分波,畀番奧巴馬政府同耶倫,等佢哋埋單。

Captain Cool
本欄逢周一刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載