› 選擇地區
三藩市
紐約
洛杉磯
其他美國地區
香港 台灣 北美
 
2016年05月13日

智取大市:揀股揀到想講粗口 - 晉佳

股市缺乏優質的股票選擇,最後只會「冇人幫襯」。 資料圖片

以前好多人話,節儉係中國人嘅美德,尤其老一輩會對自己嘅節儉引以為傲。小弟做記者,以前會搵小股東做吓街訪頭仔,有時會遇上其貌不揚嘅伯伯、婆婆。佢哋本來打一份基層工作,揸幾十年巴士,做幾十年清潔女工,死慳死抵一儲到錢就買樓,儲吓儲吓就有幾層樓,然後拎住退休金嚟炒股,長輸長有。佢哋好慘?No!退休金對佢哋嚟講係散紙,有龐大租金收入backup佢哋生活,退休金純用嚟輸,呢類超孤寒又有實力嘅隱形富豪同富婆,可能係香港獨有產物。
節儉可以係美德,同時可以係死穴,分別在於節自己個儉,還是節人哋個儉。節人哋個儉,就係大忌。投資股票,道理亦一樣,睇間公司個老細闊唔闊綽。如果個老細日日落街食三餸飯,佢炒股票一定唔益人,幫佢打工唔慌有人工加,買佢嘅股票、做佢員工,命運註定坎坷。
中國金融市場嘅死穴,就係鍾意節人哋個儉,尤其係對於外國勢力。小弟每日都抽時間睇各個股份板塊升跌強弱,可以大膽講句,好股票佔唔到總和嘅10%,甚至5%,原因係好嘅中國公司一定收埋唔上市,你幾時會見到華為諗住上市?當你只見到聯想(992)、中興(763)時,真係想講粗口。下下咖喱味嘅屎,或者屎味咖喱,太少好選擇,成個股市,最後咪冇人幫襯囉。

晉佳
http://www.facebook.com/advanceguy1

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載