› 選擇地區
三藩市
紐約
洛杉磯
其他美國地區
香港 台灣 北美
 
2016年05月13日

職場慧眼:點解HR咁唔pro - 張慧敏

若管理層對公司事務不聞不問,肯定個個卸膊兼廢。 資料圖片

「Son姐你是職場專家,我好想問你點解HR咁唔pro!之前我見工成功咗,本來好開心,HR講明準備好合約會通知我去簽,點知等咗成個禮拜都冇下文。打過幾個電話想問清楚吓究竟發生乜嘢事,個HR竟然電話都冇覆!我其實心中都估應該係出咗事。最後等咗兩個禮拜完全冇消息,我頂唔順直接打電話畀嗰日見我嘅部門主管,個主管尷尷尬尬同我講話原來個職位唔再存在!咁即係點?佢問我HR冇同我講清楚咩?我嬲到頭殼頂出煙差啲忍唔住講粗口!」
「如果HR有講我使鬼面懵懵打去問佢?好彩我冇信佢返去辭工,如果唔係,搞到兩頭唔到岸我家陣可以點算?我覺得嗰個HR簡直離晒譜,有咁大變化突然間冇咗個位第一時間要通知我唔係咁都唔知啩?我想問清楚佢究竟係唔係請咗第二個人所以改變主意唔要我!我想打電話去鏟佢,問佢點解咁唔負責任!成件事處理得咁差,我有乜嘢可以做?我要投訴佢!」

我完全認同亦都明白理解你的憤怒,換轉我是你,我會直接向公司最高領導人投訴,整件事的處理是如此的差劣低劣!雖然我職場資歷豐富,遇上你這種情況,HR夠膽衰到連電話都不覆,還是第一次聽到。
做HR做到咁都可算係極品,我絕對相信你不是第一個受害人。不過你的投訴除了發洩之外,你要有心理準備會石沉大海,不要奢望會有回音。從他們處理你的招聘事宜的手法,絕對反映這間公司的做事作風,管理層不聞不問已知肯定個個卸膊兼廢!
你應該慶幸,去不成做事,絕對不是你的損失。這間公司不去也罷,打電話去鏟HR?你認為有人會接你電話嗎?不必花時間去查證究竟那位主管講的是假話還是真,因為根本不值得!

張慧敏
http://www.facebook.com/HKcareerdoctor

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載