蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年05月30日
馬上成為壹會員

中環在線:分享家族企業管理
陳啟宗大仔到大學演講 - 李華華

陳文博之前去科大講talk,向年輕人分享喺恒隆工作嘅經驗。

恒隆地產(101)主席陳啟宗出名口若懸河,佢講talk肯定冇悶場兼有金句派,佢位大公子陳文博平時見到傳媒唔多出聲,估唔到遺傳咗爸爸鍾意演講嘅天份,今年開始,佢到本地大學講talk,分享自己點樣打理家族生意,兼且賣吓藥,介紹恒隆業務。
34歲嘅陳文博現為恒隆高級經理(董事辦公室),喺恒隆工作6年,主要跟住董事總經理陳南祿學做生意,做咗咁多年,點都有啲心得同睇法。
今年3月,佢去咗中大酒店及旅遊管理學院,幫學生組織Hospitality Student Initiative,向幾十名不同地區嘅大學生,介紹恒隆業務,又講何謂EST,即係Experience、Service同Technology計劃。
上個月,佢又去科大做客席講師,為工商管理碩士(MBA)學生,講解家族企業係點樣,佢又如何接班等等,聽聞反應不俗。

度橋用科技加強生意

據講,陳文博幾鍾意跟學生分享經驗,就到時間,主題又啱嘅話,佢都會盡量抽時間出席。照咁講,關心青年事務嘅富二、三代,都唔只得華置(127)主席劉鳴煒,其他富二、三代都有心做,只係大家用嘅平台唔一樣啫。
陳文博𠵱家有份負責恒隆嘅EST計劃,即係點用科技加強傳統生意,啱晒佢呢啲後生仔。最近佢為恒隆成立咗12年嘅數學獎開facebook專頁,用作宣傳數學研究,仲好潮咁有埋片㗎。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載