› 選擇地區
三藩市
紐約
洛杉磯
其他美國地區
香港 台灣 北美
 
2016年06月03日

財金冒險號:失業率主宰樓價 - 笑笑生

失業率與樓價一直背馳,如去年初裁員潮悄悄出現,同時樓價亦見頂回落。 資料圖片

根據差餉物業估價署,本港樓價連跌6個月後,終於4月份反彈0.7%,仍較高位跌10.8%。嫌政府數據滯後,可睇中原城市領先指數,截至5月22日之樓價亦較3月底之低位反彈0.8%。調整咗一成多,跌夠未?𠵱家係真見底,定係死貓彈?地產商繼續話「自住唔怕買」、「建築成本高,樓價唔會大跌」之類。其他評論樓市者,通常從利率風險、剛性需求、新樓供應、建築成本、政府辣招等角度入手,但呢啲都係次要因素,咁乜嘢係最重要?It’s the unemployment, stupid!
過去廿年,失業率與樓價一直背馳,只有1999至2001年間一齊跌,而唯一同步升的一小段時間,係2009年中,完全拜美國QE所賜。今次失業率升,不單止無QE,美國仲要加息,樓價焉能不跌?
單計本周,先後有大型建築師樓幾乎全體減薪15%,及東亞裁員180人。其實去年初裁員潮已悄悄出現,當時集中於零售、旅遊業,去年下半年蔓延至經濟支柱金融業,同時樓價亦見頂回落。上月中政府公佈最新失業率3.4%,有銀行經濟師預料明年升至4%至4.5%。3.4%升至4.5%係乜概念呢?大概等於1998年3月至6月,及2008年8月至2009年1月,樓價分別跌23%及16%。


笑笑生
mailto:sneeringman@gmail.com
本欄逢周五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載