› 選擇地區
三藩市
紐約
洛杉磯
其他美國地區
香港 台灣 北美
 
2016年06月05日

澳門青年 呻要家人助上車
指供應不足 樓價回落仍難負擔

【海外樓市】

澳門與香港一樣有樓價堅離地的問題,即使過去兩年澳門樓價由高位回落約45%,仍然處於超過一般市民負擔能力的水平,記者到澳門直擊,發現澳門年輕人對買樓感到無力,有意見認為沒有家人的幫助,基本上無法上車,「屋企人都要幫手先畀到首期」。受訪的澳門人坦言,不期望政府能夠幫助市民上車,「澳門人好沉默,唔似香港人敢出嚟抗議」。
記者:溫潤潔 陳新政
攝影:黃耀興

相關新聞:氹仔呎價最平$6,730

今年30歲的梁先生從事文職工作,他認為澳門樓價的確好貴,就算近年回落仍然對市民上車無幫助:「澳門樓價跌咗幫助唔大,五年前開始已經有升嘅迹象慢慢升上去,都係畀人炒。」

冀政府遏地產商炒樓

梁先生表示自己兩年前花了300多萬元買了一個單位,都是要靠家人幫助才能上車:「屋企幫手畀首期,𠵱家供樓係人工三分一,都好犀利。」他認為澳門供應其實不足,加上有外勞,更令到整個澳門不夠屋住,所以希望政府能夠出手:「出啲政策限制地產商唔可以炒樓,好似外國咁都會保障番啲市民,唔會話畀啲地產商任意去炒樓。對政府不滿都有嘅,但因為澳門人比較沉默,唔似香港人會示威咁,小型示威都有嘅,但冇乜作用。」
朱先生今年40多歲,十年前已經在澳門置業,「買咗樓好耐,𠵱家升到十倍以外。點解澳門樓咁貴,因為人多、樓少,賭場開咗人工高咗,租客多咗。人工高咗,租樓嘅人多咗,冇地方住就要買。」27歲的張先生更指自己根本冇可能買到樓:「咁貴點睇啫?」

相關新聞:盡覽海景 內櫳寬敞

4月成交價量俱升

澳門樓市由2004至2014年,經歷黃金十年,惟博彩毛收入由2013年高峯期3,618億元,降至2015年2,318億元,跌幅約36%,拖累期內物業交投縮減。參考澳門財政局資產轉移印花稅住宅單位統計,2014年4月高位平均實用呎價達12,225元,至今年3月實用呎價報6,758元,累跌幅度約45%。經過兩年深度調整,4月市況明顯反彈,優質物業成交帶動下,新報實用呎價7,316元,按月回升約8%。成交宗數有1,087宗成交,按月大幅增加84%,為近兩年來首次單月錄得逾千宗,價量俱升,扭轉弱勢局面。
澳門博彩監察協調局公佈5月博彩毛收入183.89億元,按月上升6%,連同首4個月735.17億元,合共919.06億元,利嘉閣澳門地產區域董事馮偉航估計,今年博彩毛收入約2,000億元,未必超越去年,但樓價升跌亦取決供求,現有成交支持,趨向正面發展,冀望全年樓價上升5%至8%。

【澳門居民心聲】

梁先生:
「本身30歲,覺得澳門樓價好貴,基本兩萬蚊(月薪)樓下都好難買得起囉,都要靠屋企人幫先有機會買到,就算樓價跌咗都幫助唔大。」

張先生:
「27歲都冇可能買到樓,一定要父母幫手先得,就算近期推出澳門政府經濟房屋(等同香港居屋)也不一定有份,因排完仲要抽籤。」

朱先生:
「今年40幾歲,十年前已經喺澳門置業,覺得澳門樓貴得離譜,因為人多、樓少,賭場開咗人工高咗,租客多咗。冇地方住就要買㗎啦。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載