› 選擇地區
三藩市
紐約
洛杉磯
其他美國地區
香港 台灣 北美
 
2016年06月15日

Neway嘆無人追廣東話新歌 
以往有四大天王 今年「數番10首都難」

【本報訊】網民經常嘲諷「香港樂壇已死」,相關活動亦式微。獨大卡拉OK行業多年的Neway近日更將銅鑼灣地標的糖街CEO大舖縮細,執董溫國樑指以往客人會追問「鄭秀文隻歌出咗未」,但這情景早已不再,近年無人追廣東話新歌,要「數番今年10首廣東歌都好難」,生意轉差不言而喻。
記者:方楚茵

相關新聞:毛記身價升難再合作

溫國樑2001年在Neway工作至今,歷盡沙士、金融風暴等多次經濟起落,但Neway走大眾化路線,客戶群包括學生、上班族、家庭客,賣聚會概念,故甚少受經濟周期影響,相反近年樂壇新歌受注視程度減低,難以推動唱K業務增長,不似從前「八、九十年代有四大天王、鄭秀文」,客人會頻頻追歌,「打電話過嚟問隻歌出咗未?未就唔嚟,嚟就book房,𠵱家冇呢樣嘢。」

盼廣東歌盛況重來

不是港人太留戀當年的樂壇好風光,而是環境轉變、時不我與。溫國樑認為香港樂壇未死,仍年產近200首廣東歌,質素不差,但從前港人由收音機、電視陪伴成長,「你會聽歌、睇《勁歌金曲》,連廣告都有宣傳歌,我哋就睇榜揀歌。」惟現時港人多娛樂選擇:「打機都可以過到一日啦,(客量)跌了10%左右。」
他力撐現時廣東歌「係存在的,不過你冇咁留意」,廣東歌失色隱形,他卻相信盛況有日會重來。「以往耳熟能詳嘅都係慢慢聽、浸出來,10年後你聽番今日嘅歌,可能2026年你都會覺得好正!」
內行看門道,外行看熱鬧,當要求作為行業龍頭的他列出今年10首好歌時,他僅能依稀列出7首,包括鄭欣宜《女神》、謝安琪《山林道》、Supper Moment《風箏》、林海峰《廣東歌》、鄭秀文《衝過去》、AGA《Superman》,提到坤哥(吳業坤)的《百姓》,更反問記者知否坤哥是誰。
樂壇青黃不接嚴重,有人歸咎樂壇已無「星」,但他認為唱片行業打造一個新人,「投資過百萬,但出隻碟賣1,000隻已經好叻,唔係合理回報,令佢哋冇意欲培育新人。」

相關新聞:呻港人減唱K改跑步

最近多唱黎明舊歌

現時唱K者九成仍唱廣東歌,他指大家想唱開心歌如《火熱動感lalala》,但首歌其實推出逾20年,新一代無代表性的派對歌,最終仍以舊歌為主,好似「呢輪黎明hit(流行),就會唱黎明」。
問到「懷舊」是否卡拉OK行業長遠之策,終淪為集體回憶,溫國樑亦帶幾分猶豫,「徐小鳳都仲開到五、六場……懷舊都有佢嘅市場。」

【市民意見】

戴同學坦言冇唱K習慣,亦唔感興趣,因為好多識的廣東歌,K房都冇更新,新嘅英文外國歌又冇,加上上網都可以唱K,不用再到K房。

廿歲出頭的潘小姐指,以前中學成日去,𠵱家「忙實習,好難約出嚟」。去到都是唱返舊歌,加上多咗睇韓國、外國嘢,坦言香港「新歌真係唔識」。

Band友陳生指,中學時會每月唱K一次,但「人大咗,鍾意做、鍾意玩嘅嘢都唔同」,如果懷舊可以上YouTube聽歌,同唱K無太大關係。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載