› 選擇地區
三藩市
紐約
洛杉磯
其他美國地區
香港 台灣 北美
 
2016年06月21日

利字當頭:行政霸道操控香港 - 利世民

政府建議推出優質的士,有的士車主揚言要燒車胎抗議。 資料圖片

「行過去落馬洲,去到深圳嗰邊,第一個廣告就係優步。假如香港真係禁 Uber 的話……」昨跟一位「財演」朋友午飯,他知道我是Uber的「啦啦隊」,天南地北間,難免會扯到這題目。
「哦?隻嘢未上市,冇得炒㗎喎?的士牌呢……」直覺以為這市場投機者在想怎可賺大錢,殊不知他說:「唔係吓吓都諗賺錢。我真心覺得,假如香港退步到連Uber都容不下,其他創新科技又點可落地生根?個城市冇得救。」
「一早就話咗要移民㗎啦。」孫柏文插口說。「15年後,香港會係點樣?我相信唔少香港人會話,最好局面,係唔差過目前。不過假如問香港會唔會差過今日,我諗有唔少人認同。覺得香港15年後會好過家陣嘅人,應係極少數。你話嘞,香港人又點唔灰呀?」我說。

香港可點算?我不是說開放給Uber就解決一切。不過,像政府那樣為保護既得利益而一成不變的態度,是香港的死症。曾幾何時,政府的定位是中立的裁判,而不會「pick the winner 」。記得少林足球「強雄」說:「球證、旁證、足協、足總、足委全部都係我嘅人。」無錯,在高官幻想中,行政霸道像是將香港社會各界都緊緊操控。不過,實情是否如此?
遠的不說,就拿政府以為是平衡各方利益的優質的士建議為例,的士車主不領情,更揚言要燒車胎抗議,市民又覺得,明明已經有大家想要的服務,政府偏偏要跟消費者作對,搞個半桶水的優質的士。我知,高官本來是想順得哥情又得嫂意。結果呢?洋人有句話:「if you want to please everybody, you end up pleasing nobody.」政府怕出錯,結果卻沒有一件事做得對。

利世民
http://www.fb.com/leesimon.hk
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載