› 選擇地區
三藩市
紐約
洛杉磯
其他美國地區
香港 台灣 北美
 
2016年06月27日

經濟客艙:
英國Keep Calm and Carry On - Captain Cool

有投票嘅英國人都贏咗,佢哋做到用選票實踐自主權。 資料圖片

英國人用選票決定未來要走嘅路,公投結果係年長嘅本土派支持離開,年輕選民撐留歐。有80、90後嘅英國人,投了留歐一票,但最後脫歐,最後用咗個比喻,「好似當年Beyoncé咁,離開女子組合Destiny Child獨立發展,可惜英國唔係Beyoncé,出到嚟冇粉絲。」
關於英國脫歐後要承擔嘅經濟負面後果,綜合意見都認為「Brexit=經濟衰硬」。呢場公投輸家同贏家係邊個都好,公投過程比結果更重要。有投票嘅英國人,你哋都贏咗。你哋做到用選票實踐自主權、人民選擇嘅權利。結果好實實在在打破歐盟共同體嘅理想國度。要齊齊用同一種貨幣,但貨幣政策各自為政;簽證自由進出,但移民福利政策傾斜。佔英國GDP 8%嘅金融服務業,每年仍繼續被歐盟金融緊箍咒鎖緊,每單交易抽稅唔手軟。
港人對英國公投如遠若近,實質影響生活嘅唔多,但公投運動同香港支持「脫共」有幾分相似。香港同中國嘅矛盾,唔會比英國同歐盟少。英國嘅東、南歐移民潮,同我哋嘅新來港移民問題本質相近,雙方建立不到同理心,認為互爭利益、攤薄福利。內地自由行湧港,好景時帶旺零售旅遊,當經濟回落時醒覺原來一直都只係財團同既得利益者受惠。民眾對政治商界領袖嘅意見越不認同,各走相向,形成內部撕裂。英國人喺「6.23」作出決擇,希望香港都有同樣機會作出改變。

Captain Cool
https://www.facebook.com/seeforcaptain/
本欄逢周一刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載