› 選擇地區
三藩市
紐約
洛杉磯
其他美國地區
香港 台灣 北美
 
2016年07月05日

中環在線:
張華峰大手筆 兩億投資新股 - 李華華

「肥老闆」張華峰啱啱用咗兩億元投資岑銘堂,成為其上市前投資者。 資料圖片

近期市況唔好,好多新股都打退堂鼓,但湖北、河南食品及飲料生產商岑銘堂,就似乎無懼淡市,剛剛入表申請主板上市,原來公司有「肥老闆」之稱嘅立法會議員張華峰加持,張華峰大手筆投資咗兩億銀,成為岑銘堂的上市前投資者(Pre-IPO investor)。
華華即刻請教肥老闆隻股有咩投資價值,肥老闆立即賣花讚花香,笑晒口自爆話係佢主動出擊引對方嚟香港上市喎!佢話自己其實識咗公司行政總裁張學智好耐,睇好做食品有國策支持,想對方發大嚟搞,「叫咗佢兩三年啦,佢最近至諗」。肥老闆仲親身睇過對方間廠,形容「好多車出入送貨,好好生意」,話會趁香港搞一帶一路,將來叫對方去印尼開廠㖭!(咦,做食品廠又關一帶一路事?)
不過,華華仔細睇吓岑銘堂的初步招股文件,當堂俾佢奇蹟般的業績嚇一跳,事關岑銘堂於2012年才正式成立,張學智同主席施清池2014年中先由上手福建公元手上,收購佢番嚟,但公司業績增長就快過火箭,2013年單賣零食的銷售額僅得1億元(人民幣.下同),2014年突然加賣花生牛奶、冰糖雪梨同桂圓八寶粥,就「變出」7.4億元銷售額喇,2015年仲誇張到倍升至14.8億元㖭呀。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載