› 選擇地區
三藩市
紐約
洛杉磯
其他美國地區
香港 台灣 北美
 
2016年07月05日

中環在線:
基建辦成立 財金猛人聚首 - 李華華

(左起)金立群、陳德霖、曾俊華昨為基建辦剪綵。 張志華攝

金管局旗下的基建融資促進辦公室(IFFO,又稱基建辦)噚日成立,由金管局總裁陳德霖主持成立典禮,近百名財金企業界猛人出席撐場,包括中共已故元老陳雲嘅長子、全國政協副主席陳元,仲有亞投行行長金立群、財爺曾俊華,同3間香港發鈔行嘅老總都聚首一堂,實行硬銷一帶一路!

喪loop一帶一路

不過,呢個IFFO其實係做乜㗎呢?原來係畀41個合作夥伴,包括中資銀行、退休基金、基建公司等交流資訊嘅平台。身兼IFFO主任嘅金管局副總裁余偉文(Eddie)話,平台唔會主動搵項目,亦都唔會幫機構做配對,但畀大家交流吓、取長補短,就會有生意做咁話。而搵馮氏集團主席馮國經、通用電氣副董事長John Rice做顧問,Eddie就話因為佢哋係資深、具國際視野嘅生意人喎。
喺成立典禮上面,陳元、金立群、財爺、馮國經輪流上去演講,內容不外乎一帶一路好重要,好多項目會選擇喺香港融資,對香港係一個莫大商機,之後匯豐、中銀、渣打老總都講類似嘅說話。
因為很重要,所以要講3次,財金猛人輪流講一帶一路,加埋應該講咗數十次,不下於今年初梁特份施政報告。但講咗咁耐,唔知幾時先有成果呢?

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載