› 選擇地區
三藩市
紐約
洛杉磯
其他美國地區
香港 台灣 北美
 
2016年07月09日

「洗樓王」老闆:高三成人工請人

【本報訊】「洗樓王」由洗樓派傳單起家,慢慢變成一間廣告創作公司,創辦人王嘉源(Ray)直到現在還堅持落手落腳跟同事派傳單,「抽多啲時間同伙記一齊去派嘢,同佢哋周圍去做,咁先知佢哋諗緊乜同有咩唔識,做老闆咪知點去教佢哋。」
Ray透露自己曾經由月入過百萬的電訊公司老闆變成破產人士,試過為8,000元在大富豪做侍應,由高峯跌過落低谷,因此更了解基層員工的難處,因此在洗樓王派傳單,人工較市價高近三成:「洗一幢樓平均有百幾蚊啦,勤力嘅員工月入可以有兩萬元。」
他又透露,試過有部份同事突然失蹤,但數月後又再返工,員工身材瘦了,而且剪了個「陸軍裝」,便睇穿員工曾經坐過監:「但我唔會踢爆佢哋,仲歡迎佢哋嚟返工,因為佢哋有案底好難搵工,我可以慢慢教佢點做人,點樣理財,唔使欠落周身債,如果等錢使,可以借埋糧畀佢哋!」
他認為就算員工坐過監,但只要肯改過都應該給予機會:「咁佢哋有啲真係好想解決件事,唔想再滾雪球咁滾落去。」

記者:陳新政

相關新聞:中小企老闆:怪獸家長代兒子「見工」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載