› 選擇地區
三藩市
紐約
洛杉磯
其他美國地區
香港 台灣 北美
 
2016年07月12日

為保商譽 
苦主和藏硬食損失

和藏老闆彭sir為保商譽,即使蝕錢都仍接收買了團購券的客人。 黃耀興攝

【本報訊】BEECRAZY結業,商家為「止蝕」都即時停收有關團購券,但「和藏」餐廳老闆彭sir竟然寧願「硬食」40萬元損失,都讓300多個客人使用團購券,「只要有良心,行住正路去做生意,唔好理搵多搵少,一定有得繼續生存落去」。
從事飲食業28年的彭sir表示,知道BEECRAZY結業時整個人不知所措,「一開始係先處理手頭上300幾個客同埋餐廳商譽,我覺得自己商譽比其他任何嘢重要,處理咗300幾人booking後,再有600多人打電話嚟」。彭sir表示,當日收到消息後5小時後就決定繼續讓客人用團購券。「當時先要知道自己蝕幾多,計過數認為金額可以接受先去做,我哋一個小商家都做到,一間大企業又點會做唔到,問題係想唔想去做」。

相關新聞:Groupon市值曾達千億

料獲賠償機會渺茫

有行家笑彭sir「戇居」,但亦有不少人認為他今次完美解決了一次公關災難。他認為,自發性去做一樣嘢好易得到人認同,「本身餐廳冇乜知名度,如果唔係咁處理,我損失將會更大」。第一,熟客未必會再回來;第二,影響客人對餐廳的印象;第三,餐廳7年的聲譽將一夜之間自我毀掉。平復過後,彭sir表示一定會追討損失,現時任何途徑都試過,但都只可以等消息。對於能否追回,他認為機會十分渺茫,「有策劃去做嘅嘢又點樣去追?我哋呢啲小商家又點樣去追呢?」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載