› 選擇地區
三藩市
紐約
洛杉磯
其他美國地區
香港 台灣 北美
 
2016年07月14日

【前路由我創】
他會考5分 今日是基金經理

中國銀盛資產管理董事吳家順於其自傳《股壇15年血淚史》上,曾提及當年會考只有5分。他接受本報訪問時表示,5分來自中、英、數、中史、西史合格,因當時會考前父親過身大受打擊,所以無心機讀書,臨考前讀咗3個月書,先至有五科合格。他自嘲中學時期是一個宅男,勸籲同學「唔好掛住打機、做毒L」,因為香港打機無糧出,所以唔好坐喺度老奉浪費時間,應搵自己強項加以發展。

當年會考5分後他打過幾份工,後來接觸到會計,以半工讀形式考會計師牌照,並曾於一間本地中小型會計師樓做了5年核數。他認為,在中小型公司工作的好處是,自己可以睇晒成盤數,較大公司更多機會;核數當中亦見過好多行業,同時亦令佢對股票產生興趣,於是2003年沙士入金融業。「結婚前轉行,如果結咗婚就轉唔到喇!」直至現時,吳家順擁有自己的資產管理公司以及基金。

吳家順認為,成績好的同學仕途會易行啲;但成績不太好的同學不用太灰心,縱使起步時跑在別人背後不要緊,只要努力亦可以闖出自己的路,盡力all in自己的工作和事業,機會來到的時候就可以抓緊。「起跑線無得揀,但終點設喺邊係自己話事,從來唔會望我老豆係李嘉誠,只希望我個囡有個唔錯嘅爸爸!」

記者:張紫茵

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載