› 選擇地區
三藩市
紐約
洛杉磯
其他美國地區
香港 台灣 北美
 
2016年08月04日

地產潮文:
鄉郊大廈不如村屋 - 地產小子

選擇住鄉郊地區的人,寧忍受交通不便,以換取低密度、接近大自然的居住環境。 資料圖片

參觀元朗新盤嘉年華,除咗睇電纜與保育區、睇花草樹木、睇靚女經紀、飲飽食醉、換取記事簿外,最重要嘅當然係聽吓其他睇樓客對樓盤嘅評價。眾所周知,該樓盤的發展商除了與睇樓客做訪問外,還會派員工暗中筆錄睇樓客對單位的評價。該樓盤開放現樓單位以來,參觀人數眾多但反應迴異。最普遍嘅評價包括:「間隔幾四正,放到床和衣櫃」、「位置咁隔涉,好彩有村巴」、「將來有商場餐廳,加上有村巴去西鐵站,應該方便吧」等。
不過,世事當然唔會盡如人意。居於同區村屋多年的俊誠和美英表示,單位用料高級,廚櫃設備齊,廁所也有窗,但始終無法接受大廈式居住環境。「我哋鍾意村屋有花園嘅居住環境,得閒可以種花養狗開派對,擺個戶外貯物櫃或泊架車都仲得,自由自在;呢度就冇呢支歌仔唱喇」。

代理嘗試推銷,「呢度會所有泳池、大草地和宴會廳,開派對可能有另一種感覺,而且露台都可以種花」,美英有點失望。「況且住得元朗,點都想有鄉村式居住環境嘅,如果都係住大廈,咁同住市區有乜分別?」代理唯有轉移視線:「其實買呢度都係睇長線嘅,好多買家都係放租。我手上仲有兩三個錦田村屋盤,都係700呎連花園,今日有冇時間睇?我帶你參觀。」
很多選擇住在鄉郊的人,寧願忍受交通不便之苦,以換取低密度、接近大自然的居住環境。假如選擇居於鄉郊的大廈,必須接受樓盤的優點和缺點。

地產小子
http://www.propertykids.blogspot.hk
本欄逢周四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載