› 選擇地區
三藩市
紐約
洛杉磯
其他美國地區
香港 台灣 北美
 
2016年08月12日

樂香園:買股要看接班人 - 密西比

近期有一家創業板全配售新股,又是擁有富二代股東背景,又是業務可以一下子「歸乎零」(輕資產、可輕易執笠),又是股價於掛牌首日錄得數以十倍計升幅(與配售價比較),結果又是上市一段短時間後,股價「大插水」,與上市最高位比較更跌逾90%。歷史於短時間內不斷重覆,業界居然還可以說現行上市制度「無問題」?
說遠了,看著這家「來回地獄又折返人間」級數新股,想起年前有家大型內地企業來港上市,跟基金朋友研究其投資價值時對話。密西比(密):「呢間大嘢嚟喎,買唔買得過?」基金朋友(金):「睇資產佢當然係無敵架,但上市要睇前景,你信唔信佢可以為股東創造價值?你信唔信內地經濟增長永遠咁快?你信唔信大股東喺內地永遠唔失勢?我就唔信喇。」
密︰「有無咁嚴重呀?人家喺內地勁有錢,你都唔信佢?」金:「富貴如浮雲,股價係生嘅,要真係落左袋先係真有錢……我唔信呢間嘢仲有個重要原因,就係佢接班人唔得,一葉知秋,世界咁大,唔想嘥時間研究呢啲咁嘅公司。」看看這家公司現狀,再看那家創業板公司表現,朋友果然看得準。哈。

密西比

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載