› 選擇地區
三藩市
紐約
洛杉磯
其他美國地區
香港 台灣 北美
 
2016年08月18日

智取大市:
2016炒股最強神術 - 晉佳

恒指市盈率游走於10倍至12倍之間。 資料圖片

深港通一出,概念股就見光死。事前大家明知深港通對於證券股冇乜幫助,點解仲會炒得起?然後消息一出,再由高位撻番落嚟?要解釋一切看似多餘嘅市場動作,用投資心理學去研究,比基本因素更實際。
炒股票要贏錢,就係要搵下一個接火捧嘅人。今次深港通,就等如一鋪牌有三家打開口牌,而呢三家又知道遲早有第四家衝入嚟做儍仔,唔坐定貨等儍仔入嚟就笨,所以消息公佈前,春江鴨為數眾多,有足夠購買力谷得起證券股連升幾日,但去到星期二收市一刻,深港通獲國務院通過,喺星期二先衝入去嘅人,只要稍為聰明,都猛然發覺自己成為尾二、甚至最尾接火捧嗰個儍仔,醒少少都會喺星期三一開市就掟,唔輸算偷笑;而之前幾日買落lead住而未沽貨嘅朋友,又同時鬥快食糊,於是累積咗龐大嘅沽盤,令股價跌得咁狠。以國泰君安(1788)為例,喺深港通消息翌日,股價可以單日跌接近一成。
踏入2016年,投資心理學比起基本因素分析更重要,原因係恒指市盈率游走於10倍至12倍之間,只不過係非常平同普通平嘅分別,又有乜嘢理由好需要解釋?分別就係低位悲觀啲,高位樂觀啲,同基本因素可以完全無關。喺基本因素「冇所謂」之下,投資心理學更能成為眼前最利害嘅炒股神術。

晉佳
http://fb.com/advanceguy1

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載