› 選擇地區
三藩市
紐約
洛杉磯
其他美國地區
香港 台灣 北美
 
2016年08月18日

【Yoho開荒牛】香港仔搬入元朗
只因73萬有層樓

Yoho Town為新地(016)元朗核心區十年發展大計的頭炮,由於當年低價開售,不少業主持有物業至今兼已供滿單位,普遍有意向最新的Grand Yoho埋手。

03年一手買入Yoho Town單位的楊先生:「當年140幾萬買,買呢度係貪佢平,呢個發展商起樓用料幾好,加上未來知道仲有幾期發展,第一期肯定會起得好畀人睇,入伙之後仲會有西鐵,所以當年由香港仔搬過嚟」。

「Grand Yoho如果係啱價都會考慮,1.3萬至1.4萬肯定要,始終係新樓,設施又唔同咗,位置方便」。由於Yoho Town個單位購入時不貴,而且已經供滿,如果Grand Yoho價錢合意,會買多間投資收租。至於2009年推出的Yoho Midtown,知道只是中間一期發展,當年完全沒有考慮過,反而最後一期就有興趣。

不過,Yoho Town始終是純住宅發展,不設商場,「冇咁多人人來人往,自己個單位高層望山景,覺得住喺度比較舒服,就算買Grand Yoho都唔會換樓,用嚟投資收租」。

另一長情業主江先生,十年前以低於200萬元購入Yoho Town一個兩房單位自住至今。當年買入Yoho Town除了樓價平,亦因為工作需要往返大陸,加上太太當時住元朗,所以揀Yoho Town,從九龍區遷入。

他指,樓市成個發展都係向上,「全港每區樓價都係咁,元朗樓價升咗好多,冇可能仲係以前千零蚊呎,但同真正市區比,都係未追得上。自己有朋友住咗元朗好耐,就覺得而家好唔合理,但同全港樓價一齊比較,元朗唔係特別離譜」。現時元朗有西鐵,出市區只是十多分鐘車程。雖然交通更方便,但區內又多了人,逼過十年前好多。

以前區內未有商場,都要過去鳳翔路一帶作起居飲食,近年陸續有商場開,生活配套好過十年前。「如果Grand Yoho個商場開埋,成個區嘅配套已經幾完善。其實有咗大商場,呢區會方便咗,但入面都係連鎖品牌多,唔會係日常起居嘅嘢,例如買餸都未曾配對到」。

相關新聞:推30個月免息貸款吸客

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載