› 選擇地區
三藩市
紐約
洛杉磯
其他美國地區
香港 台灣 北美
 
2016年08月19日

樂香園:證監動了誰的乳酪? - 密西比

友人指出,暫時都係證監個勢好啲。 資料圖片

日前刊登《上市改革好戲在後頭》一文,有熟知市場情況的朋友來電,指今次證監會所謂就「上市審核工作進行諮詢」,骨子裏就是奪權,要從港交所(388)及操盤人士拿回上市審批權,所以才惹來如此龐大的市場人士反噬力量,更不諱言,從未見市場有如此激烈反彈。
他說:「上次市場同監管當局對決,就要數2008年董事禁售期,當時係大孖沙對港交所,今次係操盤人士對證監……同上次比,今次激烈好多,可能同媒體碎片化有關,但相信最大原因,係今次涉及層面確實廣泛咗好多,除咗計劃上市發財嘅公司,仲有幫佢哋上市嘅人,同埋藉此搵食嘅人,人數多好多。」
人多、反對聲音多,證監最後會跪低?友人指「咁又未必」。他說:「同上次比,今次反對嘅可以話只係二、三線人士,量多但影響力細,證監唔一定輸,亦因反對勢力唔係着西裝大孖沙,所以所謂嘅理據,根本就係將件事掉轉嚟講,邊有監管當局要確保賊仔唔失業㗎?好反智。暫時都係證監個勢好啲。」
弄到如斯田地,只有怪「有人做得太盡」。亢龍有悔,盈不可久。

密西比

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載