› 選擇地區
三藩市
紐約
洛杉磯
其他美國地區
香港 台灣 北美
 
2016年08月19日

明年退休 欲套現買樓贈兩寶貝女
蕭若元擬賣易還財務

【人物專訪】
於股壇、政壇及娛樂圈打滾數十載的蕭若元,將於明年68歲生日後正式退休,他以多姿多采總結自己多年來大起大落的生涯,他又首度透露,其持有的上市公司中國3D數碼(8078)將交由大仔蕭定一接管,至於他任主席的易還財務(8079)則希望將之出售,套現成立基金,再贈三女及四女,每人兩個太古城單位,只求兩個寶貝「餓唔死」。
記者:梁偉聰 胡仲邦

相關新聞:怕老婆 風流有限

港大歷史系畢業以來,蕭若元做過出市代表、新聞主播、金牌編劇、上市公司主席、時事評論員、網台主持,高峯時坐擁3間上市公司,幾十億身家,亦試過「一鋪清袋」,賤賣公司還債。見過風浪的他指自己並不看重權力和金錢,認為人生中「最重要的是回望自己人生,你有冇一個色彩繽紛的過程,有冇盡到自己能力,令生命的potential去到好高……我幾enjoy自己一生做過嘅嘢,我就係多姿多采。」

一生最怕「六條女」

他又自爆一生中最怕「六條女」,「一生人最怕呢幾條女,就係我媽咪、我老婆同埋三個女,然後就係我個孫女蕭熵芷,同佢哋講嘢全部都低聲下氣,一聽見我講電話就知道,轉晒聲,用啲溝女聲講嘢。」
所謂「養兒一百歲,長憂九十九」,經歷兩段婚姻的老蕭育有一仔三女,他決定將中國3D數碼交由大仔蕭定一接管,至於易還財務就「最好都係賣咗佢」。「第一我老婆唔識做生意,蕭瑤瑤(二女)係完全對錢冇概念,大女(蕭定欣)就唔做嘢,淨係湊住個仔,蕭雙雙今年得18歲,你話點交呢,交唔到(棒)。」老蕭指自己有個生日願望,希望退休前可以將易還財務轉主板,「轉咗主板可能值錢啲,生意好穩定。」
「賣咗8079,自己留返啲錢,嗰兩個細嘅就每人有兩層樓,兩層太古城,一層自己住一層收租,就30年內唔准賣咗佢,就唔餓死,呢個係做人父母嘅責任。」

相關新聞:將繼續營運《謎米》

對於子女,蕭若元表示,「我係唔管呢啲嘢,拍多啲拖、失多啲戀係好嘅,因為係有免疫能力,唔係第時拍拖要生要死。最多只係同個細女講,你18歲以下唔好做啲過份嘅嘢,18歲以上就唔好搞大個肚。」他自豪地說「正正係因為不干預,佢哋全部都會帶男仔返屋企,一定會畀我哋見過。」

讚蕭定一有成就

至於大仔蕭定一,蕭若元就指「佢係當企業去做,而我從來都係藝術家。」但對於阿一今時今日成就,老蕭就罕有地讚蕭定一,「𠵱家喺香港佢算係有啲地位,當然我覺得佢唔適合做藝術家」。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載