蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月26日
馬上成為壹會員

樂香園:李書沸與孫楊 - 密西比

百富環球前財務總監李書沸因失控無理指罵看淡分析員而丟職。資料圖片

現在才寫百富環球(327)事件,雖可能是遲了點,但還是想寫一筆。因失控無理指罵看淡分析員丟職的前財務總監李書沸,原來當日是寫了兩個版本道歉短訊,重寫全因為首個短訊「道歉含量」不足,但始終也改變不了事件的結果。
基金朋友說:「其實你哋睇到嘅出街版本,唔係原版,原版短好多,同埋更加無道歉意圖,雖則最後出街版本,查實都唔係好feel到同人道歉嘅感覺,因為佢喺個所謂嘅道歉短訊度,都仍然只係不停曲線咁話人哋唔夠準確同客觀,仲用咗一半字數,解釋自己幾咁勤力。」
連道歉也有「最終修訂版」?朋友笑謂,這當然不是他本人意思。他說:「咁就要講番點解會有第一個道歉短訊,第一個道歉短訊首先係喺基金經理通訊群組度出現,明顯係被迫出嘅,因當日群組內群情洶湧,差唔多講到要罷買百富股份,當事人咪焗住道歉囉。」
友人續說:「唔出猶自可,居然出個完全無歉意嘅短訊,群組反彈更大,有人覺得若果再係咁落去都唔係辦法,所以惟有死死地氣再出個短訊補鑊,雖然文內歉意唔強,但都叫加多咗兩錢肉緊㗎啦。」
想不到體育界出了個孫楊,財金界也出了個李書沸。

密西比

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載