› 選擇地區
三藩市
紐約
洛杉磯
其他美國地區
香港 台灣 北美
 
2016年08月26日

港人港樓啟德1號492萬入場
中海外:特首無叫要合理價錢畀港人買到

【本報訊】特首梁振英當年競選政綱「重中之重」的「港人港地」,招標賣出兩幅地皮後便腰斬,最終變成豪宅盤的啟德1號。樓盤第1期首度推出110伙,盡扣優惠平均呎價約1.45萬元,貴睇樓客普遍期望一成,一房最平索價492萬元,最貴三房戶更逾1,230萬元,發展商明言「特首無講話以合理價錢畀香港人買到」,市民低價上車夢碎。

記者:陳東陽 程俊華

相關新聞:啟德1號1期開售詳情

唯一一個港人港地的私人住宅項目啟德1號連日開放示範單位,參觀者普遍認為「港人港地應該平啲」,預算呎價主要介乎1.2萬至1.3萬元才算合理。價錢昨午揭盅,首張價單110伙,主要是中低層單位,兩房佔近半,若果買家採用即供方案,發展商提供最多15.5%折扣,折實平均呎價約14,471元。

最貴三房開價1,239萬元

上車客最關心的一房單位,折實500萬元內只有2間,定價最平為2座3樓H室,實用面積386方呎,折實近491.9萬元,呎價約12,742元,而兩房單位折實最平逾705萬元。最貴的一伙三房單位1座16樓J室,折實價近1,239萬元。
發展商旗下財務公司可為買家提供二按,一二按合共最多承造80%按揭,即買家最少要有98.4萬元首期才可上車,按息與一般財仔按揭相若。
中海外(688)地產董事總經理游偉光形容,啟德1號首批單位反映九龍市中心物業價值,被問及首批價錢與睇樓客預算有出入,「我諗你講係部份人嘅主觀預期,大家客觀啲去睇,屯門地地價(每呎)6,800元,嚟緊每呎要賣1.6萬,馬鞍山(呎價)都賣到1.4萬到1.5萬,究竟呢個價錢係咪一個合理價錢呢,大家心中有數」。
及後再被提及樓盤屬港人港地項目,游偉光強調,「據我印象所知,特首無講話以合理價錢畀香港人買到,只不過係畀香港人優先買物業。同埋𠵱家呢個價錢,我唔理解你哋(傳媒)點解會認為高過市場或者係不合理」。

相關新聞:學者轟政策多此一舉

呎價貴煥然壹居半成

由於啟德屬新發展區,啟德1號為區內首個私人住宅項目,毗鄰則為今年初開售的市建局資助房屋煥然壹居,後者單位以市值八折出售,今年初以呎價由9,734至12,414元推售。若果以足額市值計算,呎價該為12,167至15,517元,即啟德1號開價較煥然壹居貴約3至4.7%,而煥然壹居近期更要減價8.3%售餘貨,即差距擴大。
綜合市場資訊所得,啟德1號與新蒲崗6年樓齡的譽.港灣二手呎價相若,較土瓜灣、九龍城甚至觀塘樓齡較新的樓盤高。
況且啟德1號周邊有4個新盤興建中,及7幅地皮納入賣地表將售,勢成未來供應重災區,扣除啟德1號,合共有約9,800伙一手單位俱無銷售條款限制。啟德1號預期最快明年底落成,但其他住宅項目將於2018年底至2019年中才陸續落成,個別地皮更未動工,可以預期入伙後污染嚴重。

【《蘋民》網民洗版】

Elaine Fung:

「有500萬都唔會買啟德啦!貪交通方便咩!」

Kelvin Tang:

「究竟有幾多港人可以買得起近500萬嘅港人港樓呢?買得起又會唔會買呢???」

Alfred Sit:

「轉讓咁多限制!對樓價一定有影響的!自住就唔同!」

Louis Wong:

「港人優先買的確唔錯,但……那有錢?!」

Wing Lung Tam:

「過咗海就神仙!呃咗塊地享受政府優惠政策、官商勾結又一實例、同大陸完全冇區別!」

【睇樓客意見】

曹先生:「儲咗4年錢,想買啟德1號一房用嚟結婚,呎價勉強可以接受,首期要屋企人幫手。知道每個月供樓同管理費會吃力,但都想畀到女朋友一個家。」

霍先生:「啟德1號呎價1.45萬有啲貴,平多1,000到2,000元會較合理。嚟緊好多樓推出,供應多樓價自然跌,呢啲簡單邏輯嚟箒,果啲發展商乜都講得出。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載