› 選擇地區
三藩市
紐約
洛杉磯
其他美國地區
香港 台灣 北美
 
2016年09月05日

智取大市:越冇把握越贏錢 - 晉佳

短炒高手只要估到自己唔係接火棒的一員,都唔會放過機會。 資料圖片

升市短炒贏錢嘅條件,可以好簡單,只要喺你入市之後,仲有人以更高價入市,你已經有潛在贏錢空間。不過,世事往往好矛盾,當你入市前左諗右諗,驚死接火棒時,之後通常仲有得升。當中道理並唔複雜,如果你半信半疑,天下間肯定有好多人同你一樣,對於股市半信半疑,所以購買力未消耗得盡。
但升到某一刻,當你信心滿滿咁去買之時,全世界同時都會好多人同你有相若諗法,大家一齊信心滿滿,消耗所有買股票嘅錢,冇人有餘錢接貨,就去到升市盡頭。

同長線投資比較,短炒的確係一門着重心理分析嘅學問。短炒高手,呢一刻唔少都睇淡長遠股市前景,但只要準確估到自己唔係接火棒的一員,都唔會放過機會,衝咗先算。有時,喺冇乜把握入市嘅情況下會贏錢,反而喺好有把握嘅情況下入市,就會輸錢,股市就是這樣。
耀才(1428)曾經因為「深港通」憧憬而爆上,然後股價回落後又傳賣盤,再炒上又再回落。呢一刻冇事冇幹,又靜雞雞升番去接近兩段傳聞期間嘅高位,形成上升三角形,股價零零舍舍跑贏港交所(388)、國泰君安(1788),似有啲計,預計短時間內開turbo。

晉佳
http://www.fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載