› 選擇地區
三藩市
紐約
洛杉磯
其他美國地區
香港 台灣 北美
 
2016年09月05日

中環在線:
大奇蹟日 財經界湧現首投族 - 李華華

鄧聲興

經典電視劇《大時代》入面提到嘅「大奇蹟日」,一向只用嚟形容港股,𠵱家可能用埋喺立法會選舉都得。噚日唔少人花時間排長龍都要投票,財經界人士今年亦特別關心選舉,靚佬股評人鄧聲興(Kenny)與「新股女王」鍾絳虹(Pamela)甚至係首次投票㖭呀。
君陽證券行政總裁鄧聲興話佢登記咗做選民好耐,但過往一係太忙,一係身在海外,所以冇投過票。今屆地區直選,佢覺得必須要行出嚟投票,佢係新界西選民,又代表公司投票選金融服務界,問佢投邊位,佢就笑騎騎唔肯講。

業界 𥄫實上市改革

中央證券登記董事總經理鍾絳虹(Pamela)坦白承認,佢以往屬於政治冷感嘅人,但今次即使揀唔落手都試吓揀。佢星期六上網研究咗成日,噚日朝早8點就去投票,可能係最認真嘅「首投族」!Pamela係港島區選民,同Kenny一樣,唔透露自己選邊位。
有投票嘅資深股評人陳永陸(陸叔)都話,今年財經界比以往關心立法會選舉,地區直選固然競爭激烈,多場選舉論壇,讓市民睇得過癮;此外,金融服務界有3位候選人競爭,撞正證監會推上市架構改革諮詢,畀候選人有個大議題去發揮,業界自然特別留意,佢估計投票結果對上市改革都有啟示作用。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載