› 選擇地區
三藩市
紐約
洛杉磯
其他美國地區
香港 台灣 北美
 
2016年09月06日

金手指:
積極不干預回歸了 - 孫柏文

來屆立法會議員強推任何政策,遇到的反對聲音或大到你唔信。 資料圖片

親愛的AO和準議員們:
選舉有結果,孫柏文對你哋得一個忠告,就係呢四年,除積極不干預外,真係唔好試其他嘢,唔好諗住仲想攞「政績」。
點解?首先唔講機械票,因立法會休會休足四年,機械票選民會唔care照投,所以齋安撫其他票就得。而非機械票今次可被雷動計劃郁得咁緊要嘅最核心原因,就係反對派議員功能個個一樣!因選民只係希望阻住政府做嘢!選民要議員守住議事規則,最好拉布拉足四年。
你,例如朱凱廸、劉小麗,可能話:「有民意認受,仲唔發揮左膠力?」如攞朱劉做例子,朱凱廸最出名就係阻政府,阻拆嘢、阻起嘢,而劉喺網上最高收視段片,都係一開始問建制派候選人,點解支持三跑、高鐵。做「有得傾」嘅左膠,支持度會跌得快過雷曼喺2008年嘅股價,唔信問吓工黨。結構上,𠵱家每次政府行使威迫權,永遠都係大陸人受惠,香港人找數。由證監拉沽空機構、全民退保、三跑高鐵、連醫委會改革都被定為「益大陸醫生、醫學院」。「確認書」後非機械票選民已杯弓蛇影、草木皆兵咁唔信啲AO,任何出台政策為「明益大陸人,我哋找數」,我都只係苦口婆心勸你哋為自己重返積極不干預。推任何強迫嘢,反彈大到你玩完。
英國人當年積極不干預,唔係因皇恩浩蕩想賜經濟奇蹟,而係冇民主認受下,點維持政治控制權。不過培訓為技術員嘅你又點會明工程師嘅原意?祝你們好運,天佑香港。  孫柏文上

孫柏文
獨立股評人
http://www.fb.com/shuen
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載