› 選擇地區
三藩市
紐約
洛杉磯
其他美國地區
香港 台灣 北美
 
2016年09月06日

中環在線:陳德霖硬銷中銀新服務 - 李華華

陳德霖喺網誌不點名讚銀行積極擴充中小企業務,不過佢噚日笑住參觀中銀香港分行,係人都知佢讚邊個啦。 陳洛嘉攝

滙豐、渣打孭住國際性銀行大名,驚住客戶洗黑錢又累到銀行罰錢,成日俾中小企投訴開戶困難,搞到金管局要頻頻解話,反而中銀香港(2388)就夠抵錫。金管局總裁陳德霖唔單止山長水遠去到沙田水泉澳邨,畀面出席中銀嘅視像櫃員機啟動儀式,仲特登寫篇《匯思》推銷。
金管局一向唔會開名評論個別銀行,好似噚日陳德霖被問到中小企開戶困難,都只答係「主要有一至兩間大型國際銀行」開戶成功率不高。
不過,佢最新一篇《匯思》網誌就提到「有間大型本地零售銀行」積極擴充中小企業務,又將零售銀行網點升級云云,雖然都係冇開名,但配埋一張陳總笑住參觀中銀香港分行嘅相,真係畫公仔畫到出腸。
陳總又特登去水泉澳邨,參觀中銀部視像櫃員機,家陣好多銀行已經推出相關服務,中銀呢項服務就一星期7日、全日24小時運作。陳總喺《匯思》忍唔住又話,雖然未必太多人會半夜搵銀行,但都好欣賞銀行實踐普及金融嘅誠意。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載