› 選擇地區
三藩市
紐約
洛杉磯
其他美國地區
香港 台灣 北美
 
2016年09月06日

財經名嘴點睇 鄺神係乜股?

有一種候選人,叫「鄺神」。民主黨「鄺神」鄺俊宇,以近50萬票,高票喺超級區議會中當選。

訊匯證券行政總裁沈振盈昨日表示,「鄺神」跑出成票王,原因係雷動係會影響選情得好緊要,「唔係一個有效配票,變咗聽Order做事,就好似圍飛Placing,變咗羊群效應……似財演一齊唱好一隻Number一樣,有莊家操控咁嘅性質。」因此,票數去哂鄺俊宇,之後就搞到涂謹申差啲瀨嘢。

另一方面,同意熟悉財經及政經的Common Ground HK召集人李兆富認為,「(之前)有人走出嚟係咁話,投『鄺神』可以隊爆周浩鼎,咁結果『鄺神』攞飛攞到一個地步,爭啲做爆左涂謹申。」

李兆富形容:「鄺神」就如新股,你永遠都喺IPO嗰排最比心機去做功夫:「『鄺神』支持者同我哋啲散戶一樣,好容易動搖嗰啲,而家個價格開到咁高呢,貨源咁碎,呢班人好都衝動式買入…呢個係新股爆破危機,希望佢捱得過啦。」

李兆富續指,「而家『鄺神』高開,同啲新股高開一樣啫,要維持呢個價位有一定困難,我相信鄺神(民意)沽壓應該幾大…涂謹申同梁耀宗係傳統老牌藍籌…內在價值都唔錯,至少仍過關,喺成份股入面…亡國興好明顯係大戶做嘢將佢剔出名單以外。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載