› 選擇地區
三藩市
紐約
洛杉磯
其他美國地區
香港 台灣 北美
 
2016年10月06日

財金冒險號:
上市公司飯局奇聞 - 笑笑生

嗰位富二代CEO竟然喺投資者飯局上玩手機。 資料圖片

近日出席一間大陸民企的投資者飯局,有幸坐喺CEO附近。呢位CEO只得廿幾歲,無幾耐前從爸爸主席兼公司創辦人手上接棒。年紀輕輕做CEO唔係唔得,facebook、Snapchat CEO上任時都係廿歲出頭,但人地本身係公司創辦人,白手興家,同富二代接棒係兩回事。
席間,公司管理層例牌介紹業務與近期發展,但主角係年紀做得CEO阿爸嘅CFO。咁都唔出奇,廿幾歲經驗尚淺,未必習慣同投資者溝通,由資深CFO講解效果更佳。CFO講講吓,驚人嘅事發生了:富二代CEO玩手機,係真.「玩」手機,玩緊某隻國產手機遊戲。呢啲飯局,幾乎每人間中都會撳吓手機,但只限於睇睇whatsapp、撳吓股價,最多離席講幾分鐘電話,但玩手遊喎,仲要係主人家CEO,小生見所未見,大開眼界。唯一抵讚嘅係佢冇開大喇叭嘈住晒。

或者有人覺得:上市公司最緊要做好盤生意,見投資者只係門面嘢;門面嘢做得好,固然未必係好公司,但連門面嘢都懶得做,完全唔尊重投資者,就肯定管理有問題,就算年輕CEO只係掛名,老爸仍大權在握,營運未必有問題,但已反映企業管治差勁。大陸民企質素本已參差,散戶難有機會近距離觀察管理層,如果見到如此年輕嘅富二代接棒,就要份外小心。

笑笑生
mailto:sneeringman@gmail.com
本欄逢周四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載